冇得沖涼點保持衛生呢~?

Hii~ 通常我同partner都會事前事後沖涼make sure乾淨衛生,最近我地想試下去其他地方have sex, 但係會冇沖涼浴室等設備,想請教一下 女仔可以有咩辦法事前事後都可以清潔得衛生d, 例如用私處清潔衛生濕紙巾work ng work 避免UTI~? thx

Hello
好欣賞你哋喺性行為前後都會做好清潔護理,保障自己嘅性健康! :sparkling_heart:

明白有時可能會想喺唔同嘅地方發生性行為,增加下情趣,可能會享受到唔同嘅性歡愉感受。而私處清潔衛生濕紙巾呢樣嘢雖然可以係一個冇得沖涼嘅替代方案,不過未必個個都適合使用。一嚟如果私處清潔衛生濕紙巾當中含有某啲添加劑可能會導致你敏感,而且都要留意返濕紙巾嘅酸鹼值,避免破壞陰部嘅酸鹼平衡損害陰部嘅健康環境;二嚟抹嘅時候摩擦可能都會有機會損傷陰部幼嫩嘅肌膚,甚至未必會抹得好乾淨。所以如果你決定使用私處清潔衛生濕紙巾,選擇嘅時候可能要留意返成份,尤其如果你本身皮膚比較容易敏感嘅話。而且使用嘅時候避免太大力,亦都唔好用一張紙巾來回抹唔同地方(例如抹完肛門附近嘅地方,就唔好用返同一張紙抹返陰道口或尿道口嘅位置),避免將細菌帶去其他地方。 :wink:

或者你都可以考慮帶定一啲乾淨嘅水,喺合適嘅地方用流動嘅清水事前事後清潔陰部。 :blush:

與此同時,partner都要做好事前事後清潔㗎! :relaxed:
同埋記得全程正確咁使用安全套,可以參考返:https://www.instagram.com/p/B4EX0FVFLUf/?utm_source=ig_web_copy_link
加埋避開可能會令安全套失效嘅行為(例如:https://www.instagram.com/p/CM4ereiDmIl/?utm_source=ig_web_copy_link ),安全套係現時唯一可以降低懷孕風險、性病傳播風險同埋其他感染風險(例如念珠菌感染/陰道感染/你所講嘅尿道感染UTI)嘅安全措施,咁就可以更加安心啦! :smiling_face_with_three_hearts:

thx for ur reply :))
有得沖涼應該就最好 :see_no_evil:如果只係用水清潔,係咪落唔落body wash都ok?

用清水好似平時咁清潔就可以架啦,唔洗特登用其他清潔液嘅。 :wink: