驚有咗,唔知點好

喺處女黎 未破處既
但早幾日喺安全期同男朋友去staycation有前戲 後來佢冇帶套插咗個洞到 驚前列腺液既精子入到個洞🥲
想問係唔係一定要兩個禮拜先可以用驗孕棒?另外想問有咗機率高唔高?同埋如果照黎M代唔代表一定冇事?

hello 你好啊 :smiling_face_with_three_hearts:,依照你分享嘅情況,的確會帶來意外懷孕嘅風險。男性喺性興奮嘅時候,會流出尿道球腺液,喺一種偏奶白色嘅液體。尿道球腺液如果直接接觸到陰道都係有機會造成懷孕嘅。 至於驗孕方面,驗孕係檢驗尿液中嘅hCG水平,hCG係卵子受精著床之後身體會產生嘅一種荷爾蒙,而卵子受精著床需要大概6-9日嘅時間。所以,喺最後一次性行為7日後驗孕會得到初步結果,而11日之後就會得到相對比較準確嘅結果啦。唔需要等到兩個星期~ 只要跟足驗孕棒說明書嘅指示,就可以相信結果。另外,都見你問到如果嚟咗經期喺咪代表無事,的確經期嚟咗代表冇懷孕,代表卵子冇受精,所以冇懷孕:innocent:

如果你同伴侶都想繼續親密行為,又想避免意外懷孕嘅風險,都好建議你同伴侶商量一下會唔會長遠嘅避孕方法可以試下,例如男用安全套、唔同荷爾蒙避孕方法,例如事前避孕藥、避孕針等等。咁樣可以既滿足大家,又唔會每次結束後都擔心同焦慮懷孕嘅風險。

正確使用安全套:https://www.instagram.com/p/B4EX0FVFLUf/

10個令安全套破損嘅原因:https://www.instagram.com/p/CM4ereiDmIl/

如何選擇尺寸:https://www.instagram.com/p/CNmt0RpDzpy/

最後,你都分享到依家都喺處女。都想解釋陰道冠,即喺俗稱嘅處女膜,並唔係一塊一觸即破嘅薄膜,而係一個有窿嘅結締組織,之所以有窿係為左俾女性嘅分泌物同經血排出體外,每個女性陰道冠上嘅窿嘅大細同形狀都唔同。所以陰道冠喺咪破裂,同懷孕風險其實冇關係,因為當精子接觸到陰道都可以穿過陰道冠。希望可以解答到你~ :smiling_face_with_three_hearts: