想問下如果男男雙方都檢驗沒有任何性病，咁想問下男男肛交有啲咩風險同埋注意嘅事項？
Hello @Eric11
-
如果好似你所講雙方都已經檢查咗係冇性病嘅話，其實都唔係完全無風險。因為有可能陰莖同埋肛門附近嘅皮膚本身上面已經有細菌（例如大腸桿菌），如果喺肛交嘅過程裏面冇使用安全套嘅話都係會有機會傳播到。如果感染咗嘅話就有機會令到肛門、腸道、陰莖或尿道發炎，所以即使雙方檢查過係冇性病都會建議喺過程當中使用安全套。
-
另外講到注意事項，除咗建議你用安全套之外，亦都提議你用返適合而且足夠份量嘅潤滑劑。因為直腸冇天然分泌嘅液體，如果喺肛交過程當中用唔到出足夠嘅潤滑劑，安全套有可能喺過程中會破損，摩擦亦有機會令肛門口或直腸內受傷。如果附近係有細菌嘅話，亦會增加咗感染發炎嘅風險。
如果今次係第一次肛交嘅話，都會建議未必係一下子就用陰莖插入，可以首先嘗試用手指插入然後慢慢增加粗度長度，令到肛門肌肉習慣被外物插入，避免肛門撕裂或者造成直腸裏面嘅破損。
希望解答到你。