會唔會有…

琴日同男朋友做性行為,佢嗰度係乾嘅,佢想插入去 當時冇對準 但有摩擦 會唔會有㗎.…:persevere:

hello 你好啊 :smiling_face_with_three_hearts:,依照你形容嘅情況都有低程度嘅意外懷孕風險。因為男性係性興奮時分泌嘅透明液體係「尿道球腺液」,當中係有機會含有精子嘅。尿道球腺液如果直接接觸到陰道都係有機會造成懷孕嘅。體外磨擦比直接陰道交嘅風險會更加低,但喺仍然喺屬於唔安全嘅性行為。如果你好想俾一個肯定嘅答案自己,都建議你以進行驗孕​性行為嘅7日後已經可以驗出初步結果,而性行為嘅11日或者預計來經嘅日子,驗孕結果會更為準確。驗孕棒嘅原理係透過測試尿液內嘅hCG(人絨毛膜促性腺激素)嘅水平去檢測有無懷孕嘅,而受精卵著床大概需要6-9日,著床之後就會開始分泌hCG。驗孕棒嘅準確度都有97%-99%,只要跟足說明書嘅指示完成步驟,就可以有可靠嘅結果。

如果你同伴侶都想繼續親密行為,又想避免意外懷孕嘅風險,都好建議你同伴侶商量一下會唔會長遠嘅避孕方法可以試下例如男用安全套、唔同荷爾蒙避孕方法,例如事前避孕藥、避孕針等等。咁樣可以既滿足大家,又唔會每次結束後都擔心同焦慮懷孕嘅風險。希望可以解答到你。 :smiling_face_with_three_hearts:

咁如果我唔驗,仲有冇其他方法可以知道自己有冇懷孕?

Thx :pray:t2: 又或者家計會幫唔幫到手㗎?

Hello你好啊:smiling_face_with_three_hearts:其實驗孕係最科學同埋最直接知道自己有冇懷孕嘅方法,有時我地上網會見到好多懷孕初期症狀(例如:身體無力、食慾減少、腹脹、分泌物變多等等),但同時有其他因素都會令呢啲症狀出現,例如你嗰排唔夠瞓,或者讀書/翻工壓力大,都會出現以上嘅症狀,所以唔可以單憑呢啲症狀判斷自己有冇懷孕。而且你去家計會,佢都係會向你提供驗孕服務,因為呢個係最準確同方便嘅方法。

如果你唔想驗孕,仲有最後一個方法就係等待月經嘅來臨,因為子宮裏面嘅卵子無受精先會嚟月經,即係代表冇懷孕。但要留意番,影響月經嘅因素有好多,例如作息同飲食唔定時,壓力大等都會影響排卵周期、出血量、出血日數、經前症狀等。所以如果下次月經比起平時月經嚟嘅日期早咗或者遲咗,都唔代表有懷孕。

你介唔介意講吓點解對驗孕存有懷疑啊:thinking:係因為覺得呢個方法唔可信?定係覺得買驗孕棒嘅過程好尷尬?

希望可以解答到你:ok_woman:t2:

好thx :sob: 但係等到月經期嘅時候,又會唔會已經太遲:sneezing_face: 對驗孕雖然冇懷疑,不過買係的確有啲尷尬 所以想使用其他嘅方法知道自己有冇有咗

驗孕係最可靠同快捷去了解有無懷孕嘅方法,因為即使出現類似懷孕嘅徵狀,都有機會係由其他因素所致。現時有唔少個人護理用品店都有自助付款機,可以免卻將驗孕棒交俾收銀員嘅過程,而如果唔想自行購買驗孕棒嘅話你亦都可以到家計會/私家診所驗孕,姑娘會俾個紙杯你收集尿液樣本,再幫你用驗孕棒測試有無懷孕。

好!唔該晒你哋:sob:感謝感謝:pray:t2: