懷孕風險係咪相對低?

每次同男朋友發生性行為都有全程帶安全套
加上最近開始打避孕針,一個月一次嘅混合荷爾蒙,今日11/11啱啱好夠30日打第二次避孕針

但琴日10/11發生性行為嘅時候全程有帶安全套,最後佢想射嘅時候拎出嚟就發現左個套穿左,同一時間佢嘅精液都流曬出嚟,想問會唔會有懷孕風險?因為擔心個藥效過左

另外,想問而家打開混合荷爾蒙之後可唔可以轉三個月打一次嘅單一荷爾蒙針?

求解答,謝謝:bowing_woman:t2:

hello 你好啊 :smiling_face_with_three_hearts:,依照你形容嘅情況,意外懷孕嘅風險都比較低。因為避孕針屬於荷爾蒙避孕方法,效用喺即時發揮只要持續每月/ 每3個月打避孕針,唔好中斷,就能夠有避孕效用。避孕針嘅原理喺注射人造荷爾蒙於女性入面,抑制卵巢排卵、令子宮內膜產生變化,令受精卵難於著床。同時增加子宮頸分泌物的黏稠度,使精子難於穿過黏液進入子宮腔。所以,就算安全套意外破損,都唔會影響到避孕針嘅功效,或帶來意外懷孕風險

回應能唔能夠轉打單一荷爾蒙避孕針方面,可以喺下一次喺覆診嘅時候,問問關於醫生嘅意見。單一荷爾蒙同混合荷爾蒙嘅效用相近 :innocent:,單一荷爾蒙避孕針(每3個月打一次)主要都係**適合生活比較忙碌較難經常打針,又或者餵緊母乳嘅女性,而注射呢一款針一般第一個月嘅經期都會比較混亂。**不過都無需太早決定自己選擇注射邊一款針,當你諮詢醫生嘅意見嘅時候,醫生都會向你解釋兩款針嘅分別,同埋因應你嘅身體狀況,評估你比較適合注射邊一款針

另外,都想了解一下你地使用安全套嘅習慣?今次喺因為咩原因令安全套穿咗?令安全套意外破損嘅原因好多,例如正反調轉、尺寸唔啱、未夠潤滑等等。所以都建議你地可以回想使用安全套嘅習慣。你地都可以參考https://www.instagram.com/p/CM4ereiDmIl/ (10個令安全套失效嘅原因)、https://www.instagram.com/p/CNmt0RpDzpy/ (如何選擇安全套嘅尺寸)、https://www.instagram.com/p/B4EX0FVFLUf/ (安全套點用)。希望你地可以正確地使用安全套,希望可以解答到你。 :innocent:

感謝你嘅解答:bowing_woman:t2:

以往都係用緊同一款安全套,都冇穿嘅,但套落去嘅時候都有d困難先套到落去,可能係尺寸唔啱?但到最近我地每次進行後入姿勢之後都會穿,所以係磨擦力太勁?

我地都唔清楚個原因點解會穿:woman_facepalming:t2:都比較困擾

尺寸方面可以參考我哋之前俾你睇嘅ig post,如果佩戴嘅時候覺得困難或者唔舒服,都可以再嘗試下其他尺寸/款式嘅安全套。 :blush:

而之前用都冇事,「最近我地每次進行後入姿勢之後都會穿」,有機會係因為潤滑不足加上摩擦,導致安全套破損,尤其後入姿勢對於某啲人嚟講會相對比較激烈。加上你最近打避孕針,分泌物可能會同平時唔同,有啲人使用荷爾蒙避孕法會導致性行為期間唔能夠產生足夠嘅分泌物。所以你哋都可以考慮使用潤滑劑。建議你哋使用水性/矽性/水矽混合型嘅潤滑劑,唔建議使用油性潤滑劑,因為油性產品有機會導致乳膠安全套破裂,而且可能破壞陰道健康嘅酸鹼平衡。關於潤滑劑嘅詳細資訊,可以參考:https://www.instagram.com/p/B9GoJ5JFefM/?utm_source=ig_web_copy_linkhttps://www.instagram.com/p/B5cf5Z9FCaS/?utm_source=ig_web_copy_link

除此之外,安全套過期/變質,佩戴/攜帶安全套嘅時候令到安全套破損,冇擠出儲精囊嘅空氣等等原因都可能令到安全套失效嘅。你有打避孕針係會有穩定嘅避孕功效嘅,但係都可以配合埋安全套一切使用,減低性病風險或者其他感染(尿道炎、念珠菌、陰道炎等)嘅風險。 :wink:

多謝你咁詳細嘅解答:bowing_woman:t2: