唔該我想問 我女朋友一直黎m 都會早1日 但今個月冇早到 依家仲遲咗一日 會唔會中左 佢不嬲嚟M前都會胸痛同埋每次都有戴安全套我想請問會不唔會中左
Hello你好啊
首先好欣賞你同伴侶進行性行為嘅時候會使用安全套。咁其實影響月經嘅因素有好多好多，例如生活習慣，作息飲食唔定時，壓力大或者服用藥物等都會影響排卵週期、出血日數、分泌物、月經前症狀等等。就例如你女朋友平時月經嚟之前都會胸痛，但咁並唔代表每一次月經嚟之前都會出現，視乎上面講到嘅影響因素。
見到你有提及女朋友之前月經會早咗嚟啦，咁可見其實有時自己計算月經周期或者用一啲apps嘅計算同實際情況係會有出入。即使係從科學角度計算出嚟一般人嘅月經周期係28日，實際上並唔係所有人嘅月經周期都係28日。
而且如果有正確使用安全套，安全套亦冇任何破損嘅話，佢嘅避孕成效係有98%，所以懷孕嘅機會都比較低。如果想準確知道有冇懷孕就要驗孕，你可以同女朋友商量下，睇吓想唔想進行驗孕～驗孕係檢驗尿液中嘅hCG(卵子受精着床後身體會產生嘅荷爾蒙)水平，而卵子受精着床需要6-9日嘅時間，所以你哋可以喺最後一次進行性行為後7日驗孕取得初步結果。如果想得到比較準確嘅結果，就係11日後進行驗孕。
希望可以解答到你