困擾咗我好耐嘅問題

我發現自己每次自慰最享受嘅並唔係
上下郁/
刺激龜頭/冠狀溝/包皮繫帶
亦都唔係射精feel到精液衝出來嘅時候

而係射精之前嗰種感覺

射精之前嘅意思係 肌肉冇收縮,精液都冇進入尿道
而唔係 收縮咗之後,精液亦都從輸精管進入咗尿道,但係就忍住唔射
逆行對身體唔好

講返困擾嘅地方
就係當刺激到差唔多想射精嗰陣


有兩個情況

如果停止刺激,當然可以延長自慰時間,但係就冇嗰種pleasant嘅感覺;

而如果繼續刺激,我就會覺得非常舒服,但係唔會維持到好耐,因為好快就會射精

我已經嘗試過好多次想射精嘅時候就攞開隻手

有兩種結果

第一種 趕得切,情況正如上面所講,自慰時間延長咗,但我亦都唔覺得舒服

第二種 趕唔切,始終都係射咗,但由於攞開咗隻手(冇一直刺激),導致我甚至連射精嘅過程都覺得唔relax,即係正常情況係衝出嚟,而家純粹係「分泌」精液,類似ruined orgasm

有冇辦法可以延長到 想射精 到 真係射精 之間嘅時間?

定係由想射精嗰一刻開始如果繼續刺激就一定會喺短時間內射精?

另外仲有一個問題
我寫篇嘢嗰陣係充晒血,勃起比平時更加硬,而且不停有尿道球腺液流出嚟,條褲係濕晒
好似每次喺度出post都會咁
係我太敏感?
講嘢太露骨?
定係有其他原因?

唔該晒

我本身冇整粗體字
唔知點解個排版變咗咁
如果睇得辛苦嘅話
唔好意思

Hello你好啊:smiling_face_with_three_hearts:首先同你解釋返其實每個人對於性歡愉,性興奮或者高潮都會有唔同嘅定義同埋感覺。自慰,有勃起反應或者射精並唔一定代表有性慾或者會感到性高潮。好欣賞你會搵到令自己舒服嘅方法同感覺,即使同其他人唔一樣,但咁唔代表你嘅情況係奇怪或者唔正常。

見到你有提及每次自慰最享受嘅係射精之前嗰種感覺,但當你停止刺激,雖然可以延長自慰時間但就冇咁舒服;如果繼續刺激,會覺得舒服但唔會維持好耐。如果以舒服程度作為前提,我地會建議後者既方法,即係繼續刺激可能較適合你。至於想延長想射精到真係射精嘅時間,有以下幾個方法可以試下:

  1. 其實我哋嘅身體感官係可以隨着自慰次數嘅增多,令身體慢慢適應自慰期間嘅刺激,可以再提升刺激到或者延長刺激時間。你可以試吓唔同嘅刺激手法,例如角度,力度,姿勢,自慰期間播放音樂等。久而久之,呢啲「訓練」可能會達到你想要嘅效果。

  2. 有好多工具或者性玩具係有延遲射精嘅功效,例如陰莖環(cock ring),一般會套於陰莖根部,佢可以減慢勃起後陰莖嘅血液流動,從而延長勃起時間。市面上仲有一啲安全套同埋潤滑劑係可以做到減低龜頭敏感度,從而延遲射精嘅功效。有可能係配合呢啲工具嘅情況下都可以延長到你覺得舒適嘅刺激時段。如果有興趣都可以試吓,記住揀返適合自己嘅工具同埋跟足指示去使用,以免對身體造成負面嘅影響~

最後關於你每次出post都會發現自己有勃起嘅狀況,其實每個人都會有唔同性刺激嘅來源,例如純文字,純聲音,圖片等,都會令你產生性幻想同想像。可能係你出post打文字嘅時候都會聯想到相關嘅情景,諗起當時身體嘅感受同埋情緒,而令到身體引發性刺激嘅感覺。所以當每個人嘅需要都唔同嘅時候,其實無需要同其他人去比較自己係咪敏感啲,或者係咪「正常」。就好似上面我所講咁,每個人係性方面都唔一樣,冇一個特定同一定成功嘅方法能夠達到延長射精,呢個將會係一個漫長,需要時間嘅過程。慢慢探索多啲自己嘅身體,都會更了解自己嘅喜好同需要。

希望可以解答到你:ok_woman:t2: