射精一定會整污糟手?

話說早幾日我同男朋友sex嗰陣
我用手幫佢
由於勃起之後陰莖係向上
所以射出嚟之後會向下流
雖然我已經準備咗紙巾
但係隻手都係充滿精液
想問下handjob整污糟手係咪無可避免
*唔計潤滑

Hello~ 如果想避免喺手交時接觸到精液,可以嘗試使用安全套/口交套,不過都想了解多少少你唔想雙手接觸到精液嘅原因係咩?

其實我應該講得請楚啲
即使用咗紙巾
唔單止整污糟手
而且仲會射到紙巾以外
有冇辦法可以避免整污糟四周圍

Hello 你好呀 @itisbeingused

首先都會想問下你講嘅用紙巾,係咪即係話係幫佢手交嘅時候用紙巾包住龜頭?定係純粹準備咗紙巾包住陰莖,導致到當精液寫出嚟嘅時候,嚟唔切包住龜頭,導致到精液流落手度,整污糟地方?

回覆你第一條問題。手交的確有機會會整污糟手,所以你可以考慮下用紙巾包住龜頭先開始同佢有手交嘅行為,或者鋪定紙巾係陰莖嘅根部圍住 ; 一係可能要改變男朋友瞓/企嘅角度,令陰莖係向下。精液射出嚟之後會向下流。因為地心吸力,某程度上真係精液係射出後會向下流都係在所難免…而且因為每次寫嘅精液量同埋力度都好視乎當日陰莖狀況,未必可以準確地預計將會射幾多或者射得有幾遠,以致有時精液射出嚟整污糟嘅範圍比較大。如果想搵辦法避免精液射出會整污糟四周圍可以嘗試以下方法:

  1. 帶住安全套手交: 可以減低射精嘅時候整污糟地方嘅風險,同時間戴安全套自慰會令減少細菌有機會由尿道口進入到身體造成感染嘅風險。
  2. 使用可以重複清潔用嘅膠墊: 如果另一半唔想帶住安全套手交,亦可以考慮喺床墊上面鋪上可重複清潔用/即棄嘅防水墊,減低射精之後整污糟床鋪嘅機率,亦方便清潔。
  3. 轉移地點到浴室手交: 可以減低射精嘅時候整污糟比較難清潔嘅地方嘅風險,只要打開浴室水龍頭就可以輕易用水沖走寫出嚟嘅精液,衛生方便又快捷。
  4. 用多過一張紙巾: 手交嘅過程當中可以用多過一張紙巾包覆整個龜頭嘅位置,都喺一個可以減低瀉出嚟整污糟範圍嘅方法。

提提你 : 就好似安全套有儲精囊一樣,可以有空間比射出嚟嘅精液 ; 用紙巾手交嘅時候亦可以留意睇下會唔會係因為你嘅紙巾包得太緊,令到冇位畀射出嚟嘅精液,所以有精液會喺紙巾邊緣流出嚟,令到你覺得污糟。提議你如果繼續用紙巾手交的話,可以留意紙巾同龜頭嘅中間,留多少少位比準備射出嚟嘅精液,減低射出嚟整污糟啦!

希望可以解答到你。