m遲未到M

你好!我10月18日黎m,24號完!週期大概26,7日!
係10月24,25日有性行為冇安全措施!係25日凌晨1點多食左事後藥!但係到而家未有m黎!今日驗左一次係陰性!
係今日又有性行為咁我應該食多次事後藥嗎?
同埋我之前食既事後藥為何冇反應呢?
謝謝!

首先想你知道,月經係由幾個繁複嘅身體系統互相配合而形成,所以好容易受到唔同身體因素影響,例如荷爾蒙分泌、飲食習慣、作息、壓力、藥物、生病等等。所以其實每人每次月經嘅情況(例如月經週期長度、流血量、流血日數、經血顏色/質地、經痛程度、經前不適情況等等)都有可能有所不同。即使月經週期長度相對穩定,都唔代表下一次月經一定同之前一樣。

再加上你服用咗緊急避孕藥,緊急避孕藥係用高劑量嘅荷爾蒙抑制排卵、阻礙卵子受精、改變子宮內膜環境阻礙受精卵著床。而食完事後藥嘅其中一個副作用係月經週期受到影響,1-2個月經週期之後會穩定返。 :blush:
每人身體狀況唔同,所以對事後藥嘅反應都因人而異,唔係個個都有例如頭痛、頭暈、胸部脹痛、腹痛等副作用嘅。只要你係食醫生處方嘅事後藥,會有好高嘅避孕成功率。

驗孕係檢驗尿液中嘅hCG水平,hCG係卵子受精著床之後身體會產生嘅一種荷爾蒙,而卵子受精著床需要大概6-9日嘅時間。所以,喺最後一次性行為7日後驗孕會得到初步結果,而11日之後就會得到相對比較準確嘅結果啦。而現時市面上嘅驗孕棒都有好高嘅靈敏度(sensitivity)同特異性(specificity),所以喺正確使用嘅情況下驗孕結果都有好高嘅準確度。 如果你有依照驗孕棒包裝/說明書嘅指示正確咁驗孕,你進行驗孕嘅日子係可以得到準確可靠嘅結果嘅。 :relaxed:

所以如果月經有變化/相對唔穩定,都唔代表係懷孕,尤其如果驗孕結果係陰性,就要嘗試相信個結果。 :wink:
而有觀察留意自己月經狀況嘅習慣都係好嘅,如果連續幾個月經週期都唔穩定嘅話,都應該盡快去睇醫生,睇下有無一啲病理性嘅原因(例如荷爾蒙分泌系統問題,子宮/卵巢疾病等等)。

而都想問返你,你今日發生性行為嘅時候有冇正確使用安全措施?如果無嘅話,都會有一定嘅風險。但係同一個月經週期內唔建議食兩次事後藥,所以如果你擔憂嘅話,建議你喺性行為120小時內去睇醫生使用子宮環作為緊急避孕嘅方法 :man_health_worker:t2: :woman_health_worker:t2:

最後,建議你下次再發生性行為嘅時候用返安全套,或者可以考慮使用避孕藥/避孕針呢啲荷爾蒙避孕法,咁就可以更加安心啦。而唔建議長期使用緊急避孕藥作為避孕措施,以免對身體產生負面影響。 :blush:

繼續 m遲未到M 的討論:

先謝謝你你既回答!
我係10月25日凌晨食左藥之後約一星期係有谷M既症狀!而我原本既M期係13號,但係到而家都未黎!如你所講事後11日驗,我驗過又冇事!今日果次亦冇做安全措施:frowning::frowning:[quote=“Winnie, post:1, topic:5930, full:true”]
你好!我10月18日黎m,24號完!週期大概26,7日!
係10月24,25日有性行為冇安全措施!係25日凌晨1點多食左事後藥!但係到而家未有m黎!今日驗左一次係陰性!
係今日又有性行為咁我應該食多次事後藥嗎?
同埋我之前食既事後藥為何冇反應呢?
謝謝!
[/quote]

繼續 m遲未到M 的討論:

Sorry!上面回覆比較亂因為唔係好識用!
同埋想講返清楚今個月既M期係11月13,4日!
如果今晚或聽日再食多一次事後藥會唔會有問題?
我原來以為經前性行為應該係安全既
但係因為10月尾有食過事後藥未黎M,所以擔心今次會仲![quote=“Winnie, post:1, topic:5930, full:true”]
你好!我10月18日黎m,24號完!週期大概26,7日!
係10月24,25日有性行為冇安全措施!係25日凌晨1點多食左事後藥!但係到而家未有m黎!今日驗左一次係陰性!
係今日又有性行為咁我應該食多次事後藥嗎?
同埋我之前食既事後藥為何冇反應呢?
謝謝!
[/quote]

Hello~ 首先服食緊急避孕藥後係有機會令下一次月經提早/延遲嘅,而你提到今日進行左一次驗孕,結果係陰性,因為驗孕棒係透過檢測尿液中嘅hCG (人絨毛膜促性腺激素)含量,呢款激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確,所以就代表你10月發生嘅性行為無造成懷孕。

至於你提到今日發生嘅性行為,雖然係接近月經來臨嘅日子,但係就好似 @Ching_StickyRiceLove 咁講,經期會受好多唔同嘅因素影響,所以好難準確預計幾時係安全期,而陰莖喺性興奮嘅時候通常會分泌尿道球腺液,當中都含有少量精子,所以如果喺性行為期間無使用安全措施,係有懷孕嘅風險嘅。

不過因為一般唔建議喺同一個月經週期內服食多於一次嘅緊急避孕藥,所以如果好擔心懷孕嘅話,建議去睇醫生了解下有無需要服食多次緊急避孕藥。

亦都因為緊急避孕藥唔係一個恒常嘅避孕措施,所以如果現時未有準備懷孕嘅話,建議每次性行為嘅時候都使用返安全措施,例如安全套、避孕藥、避孕針等等。

謝謝你們既耐心解答!