有關性的疑問

Hello之前係到po過嘢,
我1/11係家計會食左緊急避孕藥
之後7/11同11/11用clearblue驗過顯示冇懷孕
之後驗完隔左陣就嚟m 11/11-15-11
咁係咪即係肯定到無懷孕?
另外有幾條問題想問:pray:t2::pray:t2::pray:t2:
1.其實點樣係最安全嘅避孕方法?體外/內射精個啲有冇影響?
2.買condom應考慮啲咩?
3.我係食完藥直至嚟完m都冇性行為 請問幾時可以有反架?
吾該晒你哋嘅耐心解答:pray:t2::pray:t2::pray:t2:

Hello~ 首先月經出現代表卵子無受精,所以就代表無懷孕架啦~ 可能你會擔心係坊間所講嘅「假m」,即係「着床性出血」,著床出血係指當受精卵着床喺子宮壁嘅時候有機會造成嘅少量出血,通常只會有幾滴或者最多一塊護墊可以承載到嘅血量,而且係一次性,唔會持續地出血幾日,血嘅顏色亦會同月經嘅唔一樣。一般由受精到着床大概係性行為後6至9日就會發生。而着床性出血並唔係一個常見嘅現象,即使真係因為懷孕都係只有少部分女性會出現嘅情況。

所以如果你出血嘅日子距離你發生性行為已經超過9日,又有持續地出血,顏色亦同平日月經差不多,咁基本上都可以排除係着床性出血嘅可能性:blush:

另外逐一回應返你嘅問題:

  1. 希望你知道無一種避孕方法係100%安全嘅,除非唔發生性行為,每一種避孕措施都有唔同程度嘅風險,不過當中都有啲相對上可靠嘅避孕方法,例如安全套、避孕藥、避孕針等等,喺正確使用嘅情況下,避孕成效高達~85-95%:blush:
    至於體外射精方面,本身並唔係一個有效嘅避孕方法,因為男性喺性興奮嘅時候,陰莖通常會分泌尿道球腺液,當中都含有少量精子,不過如果係有使用上述提到可靠嘅避孕措施,咁體外/體內射精對於懷孕風險嘅影響並唔大,尤其係使用安全套時,如果喺射精前抽出陰莖嘅話,有機會因為太急於抽出而令安全套鬆脫。

  2. 同埋安全套時首先要考慮安全套嘅尺寸是否合適,因為如果尺寸合適嘅話,好容易導致安全套破裂或者鬆脫嘅情況,要知道邊個尺寸合適,可以量度陰莖勃起後根部嘅圓周,在購買時參考返包裝上嘅數值。另外亦都可以按個人喜好選擇安全套嘅材質 (例如: 乳膠、PU、PI等等),同埋唔同嘅款式(例如極潤、凸點、熱感等等)。

  3. 其實只要係有使用可靠嘅安全措施嘅情況下,係可以按你嘅需要發生性行為嘅,因為緊急避孕藥並唔會影響服食後發生性行為嘅懷孕風險。

吾該晒你阿!!我明白架啦:grimacing: