關於驗孕棒問題

請問我同另一半係性行為(有全程戴套、冇漏水、冇射)11日之後用驗孕棒驗到陰性嘅結果可唔可信?因為女朋友唔係用晨尿或者係係膀胱4-5小時嘅小便去驗。但係結果確實係陰性,請問我地係咪應該再驗下呢?

同埋係因為遲左成兩個星期左右都冇黎M啊

Helloo

如果成個過程有帶套,兼且正確使用冇漏水,其實懷孕嘅可能性都好低,可以放心呀:)

驗孕嘅原理係透過檢驗尿液入面嘅hCG(卵子受精着床後身體會產生嘅荷爾蒙)水平。一般受精卵著床需要6-9日,所以性行為7日後驗孕已經可以有初步結果。而性行為11日後驗孕,的確會更準確更可靠。根據你嘅描述,懷孕嘅風險並不高。不過如果真係唔放心都可以買其他牌子再驗嘅,始終有個肯定啲嘅結果都會安心啲:+1:t6: 如果到時都冇,就真係可以放心

另外,聽到你話冇用晨尿檢驗,其實每個牌子都可能會唔同,建議跟返驗孕棒相應嘅指示會好啲

希望解答到你啦