你好：
在一些疑真疑假的色情影片中，看到女上男下既抽插式性愛畫面。去到射精時，男的依然在下面。我好奇想問，按地心引力，水向下行，我想像這種射精好似水池中間的小噴泉。其實唔多唔少都會倒流。如果影片經過剪接，就沒有性教育既意義；但真實情況這種陰莖向天的射精會不會對男性性器官有唔舒服的感覺？我不敢自己試，因為我覺得這種射法真的有機會產生不舒服的感覺⋯⋯
另外，男的插入後射精，然後女的在下體把精液流出來（所謂中出），係咪好侮辱女性的行為？如果係，點解係侮辱？我未親歴過，因為見到網上wiki這樣解讀，純好奇一問
最後，請問stickyricelove有計劃搞網上talk or workshop嗎？謝謝
Hellooo你好
好欣賞你會思考呢類問題呀:)
回應返你第一條問題先:
Q1. 真實情況這種陰莖向天的射精會不會對男性性器官有唔舒服的感覺？我不敢自己試，因為我覺得這種射法真的有機會產生不舒服的感覺
每個人都係特別的，喺性愛過程入面我哋可以透過不同情趣摸索自己身體，了解自己身體多啲，例如你鍾意邊種性愛姿勢，邊種形式，會唔會都鍾意用玩具輔助令過程昇華等等… 你講得好啱，係有機會唔舒服架，不過呢個都係一個好好嘅機會了解自己身體鍾意啲咩刺激，你可以探索下自己鍾意邊種速度丶姿勢丶強度等等… 性愛唔應該係單調乏味- 淨係限於陰莖插入陰道，好嘅性愛甚至會令大家嘅關係昇華&令自己覺得愉悅。只可以話，當中真係好多嘢可以俾我哋去摸索㗎，不過當然啦，有一樣野我哋要記住，無論自己鍾意咩都好，對方都有權拒絕而且我哋都應該要尊重對方嘅選擇。
Q2.男的插入後射精，然後女的在下體把精液流出來（所謂中出），Q2.係咪好侮辱女性的行為？Q3.如果係，點解係侮辱？
呢個我覺得視乎情況。如果男方係喺女方唔願意嘅情況底下進行嘅話，我認為係侮辱。因為呢個行為侵犯左女方嘅身體自主權，你有權利選擇自己鍾意嘅性愛方式，但如果呢件事牽涉多過一個人嘅話，就已經唔係個人嘅事，因為對方嘅選擇同意願我哋都需要尊重，亦都係我哋成日強調嘅共識（consent)。
另外，好多色情片都有好強烈嘅父權味道，女性都會有既定嘅刻板形象，例如你衣著比較暴露啲就代表一定想同某人發生性行為等等… 呢啲因素都會令我哋好容易漠視左共識嘅重要性，甚至先入為主以為對方想咁但點知錯晒，好嘅性愛係應該兩個人喺互動入邊摸索大家都覺得舒服嘅位置，而且係不會僭越對方界線。對方都會喺過程中感到被尊重&更投入。
Q4. 最後，請問stickyricelove有計劃搞網上talk or workshop嗎？謝謝
https://instagram.com/stickyricelove?utm_medium=copy_link
快啲follow我哋留意吓最新情況啦
希望我有解答到你嘅疑惑啦，同時都想多謝你因為你都令我反思多咗
祝你可以同自己嘅身體和解&有更多新發現：）