漏服避孕藥

我一直都食開避孕藥都好準時, 但今日食最後一粒既時候先發現自己一定係呢個月漏食過一粒, 因為粒藥係"星期四"既位置, 而今日係星期五, 問題係, 我唔肯定係邊日漏左, 而每個禮拜我都有同男友同房, 冇其它保護措施…咁樣懷孕既機率有幾高?

Hello :wave:t6:

回應返漏食嗰一點先,一旦漏食嘅話,須於指定時間內12至24小時補食,對避孕效果沒有影響;如果指定時間外補食/冇補食嘅話,可以照平時咁食返嗰日嘅藥,並建議未來7日額外使用返安全套。聽你嘅描述,見到你同男朋友行房嘅時候冇做安全措施,我諗都會有風險存在,但因為你都有keep住食,令身體有足夠時間適應藥效,所以風險都低嘅-當然都唔可以話完全零風險啦。

如果好擔心嘅話,可以選擇性行為11日後驗孕 。一般受精卵著床需要6-9日,所以性行為7日後驗孕已經可以有初步結果。而性行為11日後驗孕,就會比較準確同埋可靠啦,攞多個結果你都會安心啲。另外,如果再發現漏食嘅話,之後七日都建議做返安全措施,例如用安全套等等…

如果之後發現漏食,而且前一兩日有發生性行為嘅話,都可以考慮食事後丸。不過注意只可以食單一荷爾蒙嗰隻- 性交後72小時內服用,咁樣先唔會減低口服避孕藥嘅藥效,詳情可以參閱以下網站

最後,都可以將食藥提示set喺手機app以防唔記得呀

希望解答到你啦