晨勃減少屬於正常?

自慰嘅頻率越高,晨勃嘅頻率都越高
當自慰嘅次數減少,晨勃亦都減少
咁樣係咪正常

Hellooo

準確啲講,應該係自慰頻率越高,晨勃嘅頻率會容易較低。不過呢個係講緊過分自慰,因為佢有機會令到我哋陰莖適應咗原本嘅刺激從而敏感度低咗,因此冇咁容易勃起,但呢一個關係都唔係必然架,因為晨勃都受好多唔同因素影響,例如疾病(高血壓丶糖尿病等等…)丶過大嘅負向情緒同壓力丶吸煙飲酒嘅習慣丶年齡,甚至藥物eg. 脫髮藥都會影響到。

如果真係好擔心都可以向醫生查詢一下,睇吓會唔會有啲咩因素間接導致晨勃減少。
至於你問如果冇乜晨勃正唔正常,我覺得可以分開兩邊睇,biological 嘅角度睇嘅話,佢其實係透過規律地輸送大量血液去陰莖維持組織健康&function ,避免出現勃起障礙。
但係我自己覺得,始終每個人都唔同,正如頭先所講,晨勃都會受唔同因素影響,已就算嗰個人冇乜晨勃,都唔代表佢會有勃起性功能障礙,不過如果真係好擔心嘅話,都可以問返醫生攞個專業嘅意見:)

希望解答到你啦:)