會唔會有左🥺

今日男朋友無着褲用下面頂我下面
但我有着底褲同護墊
頂完之後發現我under 有啲濕,但男朋友無射
預計明天係黎m既日子
會唔會有bb?:pleading_face::pleading_face::pleading_face:

你好呀:wave:t6:

感受到你好擔心,不過聽你咁講,隔住護墊同底褲嘅話,應該都屬於好好好好低風險,可以唔使太擔心呀:)

至於under 濕濕地嘅嘢,可能係尿道球腺液(Precum ) - 男性喺性興奮時可能會分泌嘅液體,大多數呈透明狀,含有少量精子- 或者係陰道分泌物都話唔定,所以呢個都比較難準確推斷。

另外,都聽到你話預計聽日會嚟M,雖然月經會受好多唔同嘅因素影響- 例如最近呢個月有食過藥、飲食唔均衡、生活唔定時、情緒有起伏、壓力過大等原因,都會令黎月經週期變長/變短,更加令我地難以準確預測「安全期 / 危險期」,因此佢並唔係一個可靠嘅指標&有效嘅避孕方法- 不過都可以呢幾日觀察住先。如果嚟咗M嘅話,都可以再放心啲

如果真係好遲嚟M,遲到令你好擔心係咪已經懷孕嘅話,都可以選擇性行為11日後驗孕 。一般受精卵著床需要6-9日,所以性行為7日後驗孕已經可以有初步結果。而性行為11日後驗孕,就會比較準確同埋可靠啦,攞多個結果你都會安心啲。

最後,如果平時性行為都容易有呢種擔憂嘅話,可以選擇喺任何形式嘅性行為下都做安全措施,咁可能你都會喺過程入面冇咁多顧慮:)

希望解答到你啦

多謝你既解答呀:pleading_face::pleading_face::pray:

今日同男朋友有性行為
佢有帶避孕套進入
但係過程中,避孕套有向前移左少少,男朋友即刻整返好,同埋因為係我第一次。進入時好痛:pleading_face::pleading_face:之後有血,唔知係黎m還是因為性行為所以流血:pleading_face::pleading_face::pleading_face:

應該唔會有懷孕風險?:pleading_face:

Hello 欣賞你哋第一次發生性行為已經有意識要用安全措施 :sparkling_heart:

如果你哋全程都有正確咁使用安全套,安全套冇穿冇漏,咁懷孕風險係好低微嘅。懷孕係因為卵子同精子相遇、受精、著床而形成,而你哋嘅性行為當中,性器官之間因為有安全套阻隔冇直接接觸過;過程中精液同埋尿道球腺液亦冇接觸到陰道/陰道口,所以精子同卵子係唔會接觸到,變相亦唔能夠導致懷孕嘅。 :blush:

關於安全套嘅正確使用方式,可以參考:Login • Instagram 而你有提到「但係過程中,避孕套有向前移左少少」,可能係因為尺寸唔啱,關於尺寸嘅資訊,可以睇下:Login • Instagram

而你提到嘅痛同流血,可能係因為第一次發生性行為,陰道未習慣陰莖進入嘅感覺、陰道前膜破損/潤滑不足陰道輕微破損而導致。經過幾次性行為,慢慢適應咗之後情況應該會有所好轉。下次可以嘗試下用潤滑劑,一來有足夠潤滑會減少摩擦帶來嘅不適感,二來可以減少安全套因潤滑不足摩擦而破裂。建議使用水性/矽性/水矽混合性嘅潤滑劑,唔建議使用油性潤滑劑,因為油性產品有機會令乳膠安全套破裂,亦會破壞陰道健康嘅酸鹼平衡。想了解多啲,可以參考:Login • Instagram

而如果流血持續、血量亦同你平時月經差唔多,咁就應該係月經嚟。 :relaxed:

有咩其他問題都好歡迎你隨時再同我哋傾呀 :smiling_face_with_three_hearts: