前日同女朋友性行為
有帶好安全套 但係去到中間 反而有白色液體流出
但係我未射 或者我未忍到射咗少少
但係啲白色液體係喺安全套外面
又檢查過安全套冇穿過 會唔會係漏咗出嚟 因為安全套好似有少少移位 但係我都又包好陰莖
我擔心會懷孕，可唔可以解答到
Hello 首先等我回答返你嘅問題先
你可能係擔心緊會唔會係尿道球腺液（陰莖性興奮時會流出嘅分泌，當中有機會含有精子）或者精液漏咗出安全套外面。不過尿道球腺液一般都係透明，而且你提過安全套冇穿，亦都有好好包好陰莖，所以個啲白色會係來自陰莖分泌物嘅可能性都好微。
咁嗰啲白色液體好大機會係陰道嘅分泌物嚟嘅。陰道係性興奮時會有一啲分泌物，例如係巴氏線或者陰道壁嘅分泌，佢哋作用係用嚟保護同潤滑陰道嘅，分泌量亦會隨外在同內在因素而改變，或受性興奮刺激而增加。
呢啲分泌物本身都係透明或者有少少奶白色，而喺性行為可能會有嘅抽插過程之中，都有機會令到佢哋變到有啲乳白色，再混合埋呢安全套表面附有嘅潤滑劑呢，就可能形成咗你見到嘅白色液體啦。
如果你好肯定，當時安全套係冇穿，你哋亦係陰莖勃起後已經戴上安全套，性器官之間無直接接觸過的話，咁基本上會懷孕嘅可能性係十分微，唔需要太擔心。
感激你