打疫苗一事

今年17,琴日有講科興比3-17歲打。我想打復必泰,但係阿媽要我打科興,因為驚副作用大。佢話:「你細過果時試過星紅熱,我怕打復誘發心臟有事,之前新加坡醫生話怕第時有併發症,所以我成日記住。」比啲意見🥲🥲同佢嘈左兩日

Hello
科興同埋復必泰雖然都係疫苗,不過原理有所唔同,如果你有睇開嘅醫生,都不妨詢問下佢嘅意見,睇下自己嘅身體打邊款疫苗會更加適合。或者亦有啲人會考慮打疫苗之前做一次全面啲嘅身體檢查,了解下自己嘅身體狀況,聽下醫護人員嘅專業意見。 :man_health_worker:t2: :woman_health_worker:t2:

另外猩紅熱呢樣嘢,都可以一齊再了解下,其實猩紅熱係由甲類鏈球菌引致嘅細菌感染,主要係影響兒童,所以對於你呢個年齡嘅人嚟講,感染嘅機會應該比較低(可以參考:衞生防護中心 - 猩紅熱 )。而的確猩紅熱有機會對心臟等器官造成損傷,但如果你呢幾年都冇事嘅話,咁理應係無影響嘅。疫苗同猩紅熱併發症有冇直接關係暫時未有足夠嘅證據,有機會只係個別案例,亦有機會係因為免疫系統因為疫苗受到影響而相對比較脆弱。每人體質唔同,暫時都好難一概而論。 :blush:

的確而家唔少人都對疫苗有比較多疑慮,因為數據始終有限,未必每人嘅身體狀況都有足夠嘅科學研究或者醫學數據作為證據去了解。所以你媽媽同你都有各自嘅考慮同擔憂係好正常嘅。你哋可以一齊去諮詢下醫護人員意見,了解清楚唔同疫苗嘅好處同有可能出現嘅副作用,作出最適合自己嘅選擇,大家都安心啲! :wink:

Thx​:pray::pray::pray: