會唔會唔小心有咗

係11/11號嚟完m, 11/12同男朋友有性行為 事後都有裝水冇穿到 但由11/17號左右 左邊下腹 應該係子宮嘅位開始痛🥲想知可以點算 謝謝

仲完嘅時候搽都有少少血 但之後就冇

抹*

Hello
如果你哋全程都有正確咁使用安全套,安全套冇穿冇漏,咁懷孕風險係好低微嘅。懷孕係因為卵子同精子相遇、受精、著床而形成,而你哋嘅性行為當中,性器官之間因為有安全套阻隔冇直接接觸過;過程中精液同埋尿道球腺液亦冇接觸到陰道/陰道口,所以精子同卵子係唔會接觸到,變相亦唔能夠導致懷孕嘅。 :blush:

而你所講嘅性行為之後有流血,有機會係月經嘅分泌物,亦有機會係性行為期間陰道輕微破損。 下次可以嘗試下用潤滑劑,一來有足夠潤滑會減少摩擦帶來嘅不適感,二來可以減少安全套因潤滑不足摩擦而破裂。建議使用水性/矽性/水矽混合性嘅潤滑劑,唔建議使用油性潤滑劑,因為油性產品有機會令乳膠安全套破裂,亦會破壞陰道健康嘅酸鹼平衡。想了解多啲,可以參考:Login • Instagram

至於左邊下腹痛,有機會係因為排卵期出現嘅不適,亦有機會係腸胃問題,不過呢個症狀同懷孕冇直接關係。其實冇任何身體症狀係可以準確咁俾我哋去判斷有冇懷孕,如果想知道準確嘅情況係需要驗孕嘅。驗孕係檢驗尿液中嘅hCG水平,hCG係卵子受精著床之後身體會產生嘅一種荷爾蒙,而卵子受精著床需要大概6-9日嘅時間。所以,喺最後一次性行為7日後(11月19號)驗孕會得到初步結果,而11日之後(11月23號)就會得到相對比較準確嘅結果啦。 :relaxed:

如果下腹痛有持續或者加劇嘅情況,都建議去睇下醫生了解下自己嘅身體情況呀! :woman_health_worker:t2: :man_health_worker:t2: