呢個情況應吾應該食事后丸?😭

啱啱同女朋友系床上面摩擦, 我冇着底褲, 佢就有着底褲。之後我太興奮, 吾小心隔住底褲插左小小入去, 我冇射精, 之後即刻抽出黎同埋幫女朋友除底褲, 佢之後都去咗洗陰道。

佢今個月13號黎M, 然後系今個月17-18號完M, 今日系22號, 系完M最多第4日, 應該仲系安全期, 但系都有啲擔心。我地應吾應該或者系需吾需要食藥? 🙇🏻‍♂️

Hello
首先想你知道,陰莖喺收到刺激嘅時候,會分泌透明嘅尿道球腺液,當中有機會含有少量精子。而懷孕係因為卵子同精子相遇、受精、著床而形成;你哋嘅性接觸過程中,陰莖分泌物同陰道有接觸,即使冇射精,都有一定嘅風險。 :confounded:
而亦想你哋了解返,陰道有健康嘅酸鹼值,唔建議灌洗。因為清洗陰道入邊有機會破壞陰道嘅酸鹼平衡,導致感染風險,亦唔會因為灌洗陰道就防止懷孕。 :x:
關於「安全期」呢樣嘢,想你哋明白呢個並唔係一個安全可靠嘅避孕方法。因為排卵同埋月經好容易受到其他身體因素影響,即使女朋友平時月經比較穩定,都唔代表佢嚟緊嘅月經週期一定會同平時一樣,喺月經週期較短嘅情況下,月經完可能就會排卵,再加上精子有機會喺體內存活幾日。所以,無論喺月經週期嘅任何一日,只要陰莖/陰莖分泌物(精液、尿道球腺液)同陰道/陰道口有接觸,咁就會有一定嘅風險。 :persevere:

如果你哋擔心,可以考慮緊急避孕。喺性行為72小時/120小時內服用緊急避孕藥,或者喺120小時內使用之宮環緊急避孕。你哋可以盡快去家計會診所/母嬰健康院/部分私家診所預約睇醫生食藥/放置子宮環。要注意事後藥喺香港係處方藥,要有醫生檢查評估過女朋友嘅身體適合服用先會俾佢食。 :woman_health_worker:t2: :man_health_worker:t2:

如果你哋衡量完風險,決定唔食藥,而你哋都擔心嘅,都可以考慮等待適合嘅時間進行驗孕。驗孕係檢驗尿液中嘅hCG水平,hCG係卵子受精著床之後身體會產生嘅一種荷爾蒙,而卵子受精著床需要大概6-9日嘅時間。所以,喺最後一次性行為7日後(11月29號)驗孕會得到初步結果,而11日之後(12月3號)就會得到相對比較準確嘅結果啦。你哋可以耐心等待然後依據驗孕棒包裝/說明書指示進行驗孕。 :relaxed:

下次你哋再發生性接觸嘅時候,即使你哋唔係發生插入式性行為,都可以考慮全程使用安全套,咁就可以避免性器官接觸到,可以更加安心啦。 :wink:
關於安全套嘅正確使用方法,可以參考:Login • Instagram