有關避孕針一問

:bowing_woman:t2:10月頭第一次打避孕針 之後10月尾就有性行為 每次性行為全程都有帶足安全套
做完性行為幾日就嚟咗m​:face_with_monocle:

今個月就未有性行為 但就遲嚟m一星期
想問下11月頭曾經食過抗生素 會唔會有影響?定上個月嘅性行為有可能懷孕?
同埋距離上一次性行為已過一個月,驗孕後係negative​:bowing_woman:t2::bowing_woman:t2:唔該哂

Hello
首先想你明白,避孕針係靠人造荷爾蒙去抑制排卵、改變子宮內膜嘅狀態,同埋改變子宮頸黏液嘅粘稠度,從而達致避孕嘅功效。如果你10月打針,10月尾發生性行為都有正確使用安全套,其實懷孕風險係好低微嘅。 :wink:
而你又已經有月經出現(都想同你解釋返,打避孕針就唔會排卵啦,亦唔會有週期性嘅荷爾蒙分泌,所以呢個「月經」其實係撤退性出血,而唔係因為排卵荷爾蒙變化產生嘅月經),而且驗孕結果係陰性,可以放心,係冇懷孕嘅。

今個月嘅月經狀況發生變化,應該係因為身體仲適應緊避孕針嘅藥效,會出現月經不規律嘅現象,可以參考:避孕注射針 - 香港家庭計劃指導會 。再加上你有服用抗生素,係有機會影響身體對於避孕針中人造荷爾蒙嘅反應。
建議你放鬆下心情,耐心等待下呀 :smiling_face_with_three_hearts: