安全套尺寸問題

30歲 量度過陰莖勃起最粗處圓周係10.4cm 但係點解用49mm嘅安全套都會覺得鬆?
市面上仲有冇更細嘅安全套?
同埋我去更衣室見到人地未扯都粗過我扯左,陰莖正常有幾粗?

你好呀 @Ckl :wave:t2: :wave:t2:

安全套嘅尺寸通常有兩種方法計算嘅:

寬度 (Nominal Width) 【歐美/香港常用】

是安全套擠扁時橫向的長度,數值上是 圓周 (Circumference) 的一半。

量度方法係量度充血的陰莖根部的圓周,將圓周除二即等於闊度。

直徑 (Diameter) 【日本牌子常用】

是安全套放平時圓形的直徑,算術上 直徑 x 3.14 = 圓周 。

量度方法係量度充血的陰莖根部的圓周,再除以3.14,便是陰莖直徑。

用你嘅情況寬度係 104mm/2=52mm,直徑就係104mm/3.14=33mm。

以你嘅情況,其實市面上有唔少安全套都係啱你嘅,所以都唔洗太擔心嘅。至於點解49 mm對於你來講感覺仲係有啲鬆,可能可以留意一下用緊嘅牌子所顯示嘅數據到底係指寬度定直徑,確保係對應緊正確嘅數字。 :blush:

另一方面,其實安全套嘅材質都會影響戴嘅感覺,你可以嘗試下一啲用PU材質製造嘅安全套(例如0.02或0.03厚度嘅安全套),因為相比起乳膠嚟講,PU物料彈性會少啲,戴上去嘅感覺都會貼身啲。而且其實唔同牌子嘅安全套,即使宣稱嘅尺寸係一樣,戴上身嘅感覺都可能有唔同,可以試吓唔同嘅牌子搵吓邊一種適合自己。 :grin:

市面上都會有更加細尺寸嘅安全套,通常成人用品或情趣用品店鋪都會有多啲選擇,而且而家好多店舖都有網上商店,可以睇清楚有冇適合自己嘅尺寸先購買。

至於陰莖「正常」會有幾粗,其實係冇一個準確標準嘅,而且每個地區嘅平均數值亦都會唔一樣。2015年有研究指出全球嘅陰莖平均粗度係11.66cm(圓周)。不過呢個數字係綜合咗全球唔同地區人士嘅數據再計算一個平均值,但西方人體型同骨架都會比東方人大所以性器官尺寸會比較大亦係常見嘅,所以呢個平均值都未必可以準確咁反映到東方人嘅情況。
研究報告:Am I normal? A systematic review and construction of nomograms for flaccid and erect penis length and circumference in up to 15 521 men - Veale - 2015 - BJU International - Wiley Online Library

其實每個人陰莖嘅樣子都係唔一樣嘅,而且係疲軟狀態下都會有唔同嘅情況影響佢嘅大小,例如溫度、有無受刺激、係咪比較放鬆等等,所以都唔需要特別比較嘅。 :relaxed:

不過揀好尺寸之後都要用啱方法戴先至唔會甩架,方法可以參考下我地嘅文章: