避孕針疑慮

10月13號開始打混合荷爾蒙嘅避孕針,係月經頭7日內打嘅,之後11月1號已經嚟左m,11月11已經打左第二針,係咪第二個月再打嘅時候已經有穩定嘅效用?唔洗再等7日先叫有真正效用?

咁其實係咪理論上打左第二次避孕針後,冇用安全套懷孕嘅機率會唔會好高?

求解答,謝謝:bowing_woman:t2:

Hello~ 冇錯呀!只要你有按時去打針的話,基體內嘅避孕功效係會持續嘅,唔需要再好似第一針咁打完之後等至少七日俾身體適應藥效。

不過要注意,避孕嘅功效需要喺按時打針下先可以繼續發揮,所以記住要按診所嘅指示定期返去打針。假如真係冇辦法喺指定嘅日期返去打針,一般都可以早或者遲一至兩日打嘅。但如果日子上差距太多,醫護人員就會建議打針後要俾至少七日時間身體重新適應藥效,而且個個月嘅月經狀況都有機會變得比較混亂。

頭三至六個月都係打避孕針嘅適應期,呢段時間盡量維持定時定候返去打針,藥效喺身體內都會建立得比較好~

另外,關於懷孕機率嘅問題,有正確使用避孕針的話避孕嘅功效好高,即使冇用安全套會導致意外懷孕嘅風險都係非常微(研究數字上頭一年使用嘅人會意外懷孕嘅機率只有0.2-0.6%,而大多數導致避孕針失效嘅原因都係冇準時打針)。不過,如果你依然好擔心,其實同時使用安全套都係冇問題嘅!而且亦可以預防到性病同其他可以透過性傳染嘅疾病(例如尿道炎或者念珠菌)。

多謝你嘅解答啊:bowing_woman:t2: