關於龜頭炎

已經3年冇好過 咩方法都試過
專科都一個月起碼睇2次
割埋包皮都唔好
想問下仲有咩可以方法。。。

Hello

想了解返你平時去小便嘅習慣,因為龜頭炎其中一個成因同潮濕悶熱嘅環境有關,潮濕環境好容易令念珠菌丶病原體增生引起發炎,因此建議去完小便嘅時候都記得用紙巾印返乾先再着返內褲,咁樣會冇咁容易焗住滋生細菌。同時沖涼嘅時候保持適當清潔,並徹底抹乾陰莖丶冠狀溝同陰莖之間嘅隙縫&穿著透氣度較高嘅內褲,時刻保持下身乾爽。

再者,龜頭皮膚長期受化學物品刺激例如番梘丶洗衣劑丶殺精劑等等都有機會引致持續發炎,可以用返一啲適合敏感皮膚&溫和沐浴露減低刺激- 如果龜頭炎是由於皮膚受化學物品刺激而引起就要避免再接觸有關的化學物品;同時可以檢視一下衣物會唔會洗得唔太乾淨有殘留?呢個都可能令到細菌容易滋生引起發炎呀:pleading_face:

另外患某啲疾病例如糖尿病嘅男士係比較容易患上龜頭炎嘅。

最後,都想了解返你有冇發生性行為?有冇使用安全套?因為性行為除咗性病亦都有機會有細菌感染。如果對方本身有啲細菌而過程入面冇用安全套嘅話,有機會將細菌帶落你身上加劇發炎情況;調返轉如果你未好返&冇用安全套嘅話都有機會造成交叉感染。所以都建議返要帶安全套防止感染情況加劇&同時保障到雙方:)

辛苦了,祝早日康復:four_leaf_clover::four_leaf_clover: