會唔會有咗🥺

你好 我女友上月25嚟m 11/4 有性行為 其間有戴套 但射完拔出來個下有1半甩左 套口在陰道外邊 之後有觀察condom沒有因為甩而漏 亦試了沒有穿窿 之後亦有立刻沖涼 但到今天只有 很微量血跡 請問是否有機會懷孕 女友經期通常只差2-3天

Hello​:smiling_face_with_three_hearts:首先如果安全套套口嘅精液冇觸碰到陰道嘅周圍,而你又有check過安全套冇任何穿窿嘅情況,咁其實你女朋友懷孕嘅機會較低,所以唔使太擔心~

至於你女朋友經期出血量方面,其實有好多因素會影響月經同排卵周期,例如有冇服用藥物,生活作息同飲食定唔定時,最近係咪好大壓力等,都有機會影響月經嘅出血量、出血日數、經前症狀等。所以你女朋友出血量少未必等於懷孕,可以觀察多幾日~

如果真係擔心女朋友有冇懷孕,可以同伴侶商量下需唔需要驗孕,因為驗孕係最方便快捷嘅方法知道有冇懷孕。驗孕係檢驗尿液中嘅hCG水平,hCG係卵子受精著床之後身體會產生嘅一種荷爾蒙,而卵子受精著床需要大概6-9日嘅時間。所以,喺最後一次性行為7日後驗孕會得到初步結果,而11日後驗孕就會得到相對比較準確嘅結果啦。

希望解答到你:ok_woman:t2: