上個月開始第一次食娜迪避孕藥，食左二十一日啦，但呢個月塊面不停生暗瘡同暗粒，從未都未試過有五六粒咁多架，同埋今一次黎M，M量勁少，一日都可以唔洗換，以前冇食日日都勁多的，想問避孕藥會令皮膚好差嗎？？M量咁少正常嗎？
Hellooo
口服避孕丸有分兩隻- 單一&混合荷爾蒙- 一般婦女多數用混合荷爾蒙避孕丸，而單一荷爾蒙避孕丸則比較適合餵哺母乳嘅婦女使用。而你食嗰隻應該係屬於混合荷爾蒙避孕藥- 喺服用初期可能會有噁心、頭暈、頭痛、乳房脹痛、水腫及情緒轉變等情況出現，但一般會在數星期內消失。
而月經本身都受唔同因素影響呀，例如最近呢個月有冇食過藥、飲食均唔均衡、生活定唔定時、情緒有冇好大起伏、係咪壓力過大等等… 都會令黎月經週期變長／變短，甚至影響埋經血量同顏色（尤其係現時市面新款標榜超低荷爾蒙劑量嘅避孕藥更加容易出現經血量變少情況，不過身體如果冇咩唔舒服嘅話都唔使太擔心：）
如果唔放心嘅話都可以諮詢下醫生意見，順便睇下依家自己食緊嗰隻係咪真係啱自己，因為每個牌子劑量不一，未必食緊嗰隻係最適合自己，另外喺家計會買藥都會平一半
另外都聽到你有皮膚嘅concern，暫時冇研究證明到避孕藥同皮膚差有直接關係，反而作息節奏丶突然好大壓力丶情緒不穩丶情緒病藥物丶荷爾蒙唔穩定丶皮膚性質（eg. 油性皮膚因為皮脂腺比較多同埋大，因此較容易生暗瘡）等等因素比較相關，建議可以睇返皮膚科醫生搵返個源頭，如果皮膚科醫生開藥俾你食嘅話都記得同佢講返自己有食避孕藥嘅習慣，睇吓藥物方面會唔會有所調整。
希望解答到你啦:) 有咩隨時上嚟問