condom入面根部有白色液體

近幾次同男朋友做嘅時候我地都有用durex個隻condom 戴嘅時候有將入面空氣排出
而condom入面有啲乳白色嘅細細塊野 吾知道係咪潤滑嘅野 但係每次過程中都發現陰莖有啲白色嘅液體 (無射精的) 想問下個啲其實係咩嚟? 因為去到根部範圍都有 而後入完有啲液體滴左落床到 個啲其實係咪我分泌出嚟或者點?有啲驚會唔會導致懷孕 謝謝解答:pray:t2:

另外幾次都有check過Condom無穿的

Helloo

聽你咁講,如果嗰啲白色嘅液體係去到根部範圍嘅話,有機會係前列腺液(prostatic fluid) 呀- 呈乳白色,屬於精液嘅一部分,可能嗰陣未完全射精但都流咗啲出嚟。另外都想了解下啲白色液體係喺condom 外定condom 內?如果外面嘅話,都有可能係陰道分泌物。陰道分泌物有機會喺不同情況eg. 性興奮嘅時候而變得杰身啲同呈乳白色。

另外,「而後入完有啲液體滴左落床到 」,呢度都想問下係指肛交定性愛姿勢?同埋都想問多啲嘅係 啲液體係咪喺套入面滴出黎?如果係嘅話可能呢度都反映套嘅size 唔係咁適合- 正常情況下安全套應該貼合得比較緊&唔應該有液體流出黎,呢度都值得留意啊。另外都建議量度陰莖睇下fit唔fit 而家用緊嘅condom size,如果唔fit嘅話可以用返比較適合自己嗰隻,如果度完發現其實都fit嘅話,可以試吓其他唔同牌子睇吓會唔會再發生類似情況。

希望解答到你啦 有咩歡迎上嚟再問:raised_hands:t6:

白色液體condom內外都有…
不過滴出嚟就好似係出面滴

肛交阿
其實會唔會係因為吾係全程都咁硬所以令到裡面嘅液體流到去根部?

如果咁嘅情況會唔會有機會流左啲precum入陰道架…
另外想問下如果precum入左肛門的話係咪吾會造成懷孕風險?

另外近幾次都係安全期入面做
咁樣懷孕風險會唔會都好高?

Hello

  1. 首先除咗如Andy所講,嗰啲乳白色液體有可能係尿道球腺液(陰莖性興奮時會流出嘅分泌,當中有機會含有精子)漏咗出安全套外面, 但因為你提及係肛交,所以亦都有另一個可能性就係腸液加潤滑劑嘅混合體。呢啲分泌物本身都係透明或者有少少奶白色,而喺性行為可能會有嘅抽插過程之中,都有機會令到佢哋變到有啲乳白色,就可能形成咗你見到嘅白色液體啦。不過都會想了解返係咪淨係喺性行為嘅過程裏面先至有出現呢啲乳白色嘅分泌物,因為如果係平日冇發生性行為都有乳白色嘅分泌物由肛門流出,就有可能係肛門或者直腸既疾病。

  2. 而你所講嘅condom裏面都有乳白色嘅液體,由於有一啲condom係內外都有潤滑液, 而由你所分享嘅資料睇,陰莖插入嘅時候唔係長期最硬嘅狀態,有可能係Andy所講尿道球腺同condom內潤滑劑磨擦而成嘅混合體。但都想你留意番,你所講喺condom裏面有一啲乳白色一塊塊嘅嘢,會想問返清楚你嗰啲細細塊嘅嘢係皮屑狀嘅定係豆腐渣狀? 如果係好似豆腐渣狀或芝士狀嘅物體,有機會係陰莖上有念珠菌, 所以都會想你留意返係咪淨係喺性行為嘅過程先至發現?定係呢排陰莖會唔會有任何嘅唔舒服?

  3. Precum入咗肛門係唔會懷孕嘅,但係亦都會擔心性交過程當中precum無意識間掂到女性陰部入口,其實都有機會有懷孕的風險。由於如你所講嘅,陰莖唔係長期最硬,有可能condom唔夠貼身,所以就有白色嘅液體會流到去陰莖嘅根部。都建議返嚟之後如果condom帶咗上陰莖之後感覺鬆動,都可以揀細一個size嘅condom去使用,或者確保condom好貼身,陰莖最硬嘅時候先至插入,避免今次嘅情況再發生。

  4. 人嘅身體是一個非常複雜的系統(否則,我們嘅生物學家、生理學家都唔能夠保住佢地嘅飯碗了),生理週期、排卵與否實在同太多的因素相關。所以安全期避孕實際上也唔見得係一個非常可靠的避孕手段。而且往往要待經期出現才能推算已發生的排卵期及安全期,無辦法預計下一個月的「安全期」。另外因為月經週期可以被太多因素影響,變相亦較難準確推算出一個絕對『安全』的日期。加上每個人排嘅時間都不同,而且月經同排卵有機會撞期,所以即使剛剛完結月經亦有機會受孕。最理想是在有使用避孕方法的情況下才進行性行為。所以結論就係其實我哋好困難先至有機會知道係咪安全期,而呢個唔確定亦都令到用安全期嚟避孕並不安全。

希望幫到你。

多謝你地長細嘅解答:pray:t2:

  1. 係淨係喺性行為嘅過程裏面先至有出現呢啲乳白色嘅分泌物

2.白色一塊塊野係本身未用 condom入面已經有阿

另外前日試多左一次 發覺其實根部個位都箍得好實 反而鬆嘅位係condom比較頭嘅位 想問下點解會咁嘅:pray:t2:

如果係性行為嘅時候先有嘅話,咁係感染嘅機會唔大,唔洗太擔心 :blush:

而如果係咁

嘅話有機會係安全套上嘅潤滑劑變質,依個情況有機會係因為存放不當(例如存放於較高溫/陽光直射嘅地方,或者安全套已過期),建議停止用依款安全套,改用其他安全套。至於你提到

有機會係因為安全套有唔同剪裁,有啲頭部會相對闊身,不過只要安全套唔係緊貼整個陰莖,就代表尺寸唔合適,建議選購其他剪裁/尺寸嘅安全套。另外亦都有機會係因為配戴安全套時無完全擠出儲精囊內嘅空氣所致,依個情況有機會導致安全套喺性行為期間破裂,所以如果之前無咁做就要留意返啦~

我上網search左我地用個隻condom 入面有個叫benzocaine嘅成份 好似都係乳白色的
因為我check過冇過期 同埋一直都擺係黑暗地方 應該吾會係變質?:pleading_face:

好的:pray:t2:

其實benzocaine係一種外用嘅局部麻醉劑嚟,通常用係一啲有延時功效嘅安全套上面,都想知道你地買嘅安全套係咪都係標榜延時架?如果係嘅話,好大機會白色液體就係benzocaine,用嚟減低陰莖受到嘅刺激感,從而延長性愛嘅時間。不過相對上都會容易引致敏感嘅,而且結成塊狀都對品質比較有擔心嘅情況,所以都比較建議你地使用一啲從安全套設計上令你刺激度減低嘅安全套,例如比較厚嘅安全套等。:relaxed:

係阿,好的吾該晒你哋嘅詳細解答:pray:t2::pray:t2: