我係4號凌晨有sex過但冇帶套。隔左4號130PM到食事後藥。我平時有app可以mark低。我11月30號來完。app計12月3號排卵期。麻煩解答下。驚食完都瀨野 
要補充下, 食完之後哩幾日都好似焗M咁, 好似就來來野咁
Hello~ 首先男性係性興奮時陰莖通常會自動分泌尿道球腺液，當中都含有少量精子，所以的確係性行為期間冇使用安全套係有懷孕嘅風險嘅。不過你有喺有效時間內 (性行為嘅72/120小時內)服食緊急避孕藥，佢嘅原理係抑制排卵或者干擾受精過程，現時大部份嘅緊急避孕藥都有干擾受精嘅功通，所以即使係排左卵都依然會有避孕嘅效用，唔洗太擔心阿
不過服食緊急避孕藥後有機會令下次月經比預期提早/延遲，所以如果遇到呢個情況都唔需要太擔心，如果想確認有冇懷孕可以進行驗孕，因為驗孕棒係透過檢測尿液中嘅hCG (人絨毛膜促性腺激素)含量，呢款激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確，如果結果係陰性就代表冇懷孕啦
但想問下點解哩排成日都好似焗m就來來野咁嘅。我上網睇話有啲好似來野咁。搞到愈睇就愈驚
Hello
首先想講翻服用緊急避孕藥會出現頭痛、噁心、頭暈、疲倦、經痛、腹痛、背痛及乳房脹痛等副作用，但係一般情況下，呢啲副作用都唔會持續超過24小時。
咁的確，有啲懷孕症狀同谷M症狀係有相似，但同時都有好多其他因素影響呢啲症狀，例如生活作息、飲食習慣、最近壓力大唔大等，所以我哋都唔可以單憑呢啲症狀去判斷係咪懷孕或者嚟月經～有好多懷孕嘅婦女甚至冇出現因懷孕引致不適嘅情況。所以唯一一個方法，就係透過驗孕，可以最迅速知道自己有冇懷孕。
希望可以解答到你