很急(非常非常擔心)

好驚好擔心:disappointed:
想問如果在排卵期時(11/20來月經,在4/12指交)進行指交,並在男方射精後用了紙巾抹了和洗手(至少20秒)再指交,想問還會懷孕嗎?上網見各有說法所以非常憂慮:pensive:
另外,自4/12後到現在分沁了一些啡色分泌物,這些又是甚麼?求救一下

Helloo

請問成個過程有冇精液或者接觸到陰部?(尿道球腺液- Precum即係男性喺性興奮時可能會分泌嘅液體,大多數呈透明狀,含有少量精子。)如果冇嘅話,呢度可以唔使擔心係冇風險嘅:) 因為用紙巾抹走嘅過程當中已經冇精子喺度。精子需要有精液嘅存在先會生存到,一旦暴露係空氣不足幾分鐘之內就會死亡,所以唔會有懷孕風險嘅。如果好擔心嘅話之後性行為都可以考慮用安全套令自己放心啲。再者,網上面好多唔準確嘅資訊,有啲甚至唔值得參考,如果有呢方面嘅疑慮建議都係聽返醫生嘅意見好啲唔好誤信網上面嘅資訊呀。另外,排卵期/安全期往往都係要月經之後先較準確推算到。而本身經期亦會受唔同因素影響,例如最近呢個月有食過藥、飲食唔均衡、生活唔定時、情緒有起伏、壓力過大等原因,都會令黎月經週期變長/變短,令我地難以準確預測,因此佢並唔係一個好有效嘅避孕方法~
最後聽到你講自從4/12之後一直有啡色分泌物,呢度有可能係過程入面太大力整親所以流血,但呢個現象實在不尋常呀:pleading_face:,同埋都維持左差唔多成個禮拜,建議可以去返婦科診所睇吓具體情況;如果係伴侶過程中太大力嘅話都應該要好好反映返,尊重自己需要,另外指交嘅過程都可以考慮用返指交套令陰道免被刮傷~

有咩隨時再上嚟問:)

Hi​:bowing_woman:t2:
回覆返,過程係冇插入or掂到,沌水係射咗之後先有指交(其實距離射咗之後再指交都有一兩分鐘)但都肯定冇錯
另外講返分泌物個到,其實我係好肯定點為之有異味(唔識聞分辨),但分量都唔係多,而且顏色係濺。雖然持續左一個星期但係可以叫越嚟越少:face_with_monocle:加上性行為個日(4/12)指交時間都幾長加上自己騎同男友用嘅力度都可能小小大力,都可能真係受傷:pensive:但係其實有咩可能性會出現咁嘅情況架(因為排卵期出血都好似咁&我下腹都有痛。
同埋都想打定強心針問吓有冇真係有指交懷孕嘅案例架?仲有如果係陰道發炎or受傷幾時會好返:cry:

hello @Lok1
如果你好確定你指交嘅嗰隻手指其實都洗乾淨手,冇掂到精液或者係precum嘅分泌物,咁就係唔會懷孕嘅。而且如你所講,距離射精同指交都相隔有2分鐘。其實精子一旦接觸空氣好快都會死亡,精液乾涸之後精子亦唔能夠生存或者移動,所以總括而言都係冇懷孕風險嘅。

另外,啡色分泌物都可以由好多唔同原因導致,例如荷爾蒙水平變化或者係性交過程中陰道受損而造成嘅少量出血。通常如果因為感染而造成嘅異味都係會好強烈嘅,例如係魚腥味。如果你冇發現有呢啲情況,咁都唔使擔心。另外見你話其實分泌物量都有慢慢減少顏色,亦變得越嚟越淺色,咁暫時都唔需要太擔心!呢幾日可以避免再發生性行為,等分泌物情況進一步改善之後先。

如果你真係擔心係陰道發炎或者係性交嘅過程當中令到陰道受傷,都建議你去搵返醫生做個檢查,因為每個人嘅身體都唔同,我哋都冇辦法答到你幾時會好返。同埋除咗可能係陰莖插入嘅時候角度唔係好啱令到陰道裏面唔舒服,另外都有機會係指交嘅時候,指甲整損咗陰道,所以除咗事前要修剪好指甲同埋做好清潔之外,下次都可以使用指套或者安全套去包住手指,去減低類似情況再發生啦~同埋如果潤滑度不足都會有機會增加陰道受損嘅風險,所以下次都可以配合返適合嘅潤滑劑去減低陰道意外受損造成出血嘅機會!

Hello
想講返今日終於冇再流個啲啡色野🥲真係thx​:sparkles:
另外想問只要用紙巾抹左精子就=死唒架啦呵?因為我地都有用紙巾抹走啲精子+洗手,但係洗完手冇抹手係咪都可以同安全?
唔該晒:bowing_woman:t2:

hello @Lok1
正如我哋之前所講 “如果你好確定你指交嘅嗰隻手指其實都洗乾淨手,咁就係唔會懷孕嘅。而且如你所講,距離射精同指交都相隔有2分鐘。其實精子一旦接觸空氣好快都會死亡,精液乾涸之後精子亦唔能夠生存或者移動,所以總括而言都係冇懷孕風險嘅。” 用紙巾抹走同埋洗手呢個過程都足以沖走同殺死手上所有嘅精液同精子,即使你洗完手冇抹手都唔會令到精子突然間出現返~