同女朋友做嗰時佢有啲白色液體流出來，但我有帶套又冇射精，請問呢啲係咪白帶？
Hello
請問之前有冇檢查過避孕套有冇穿？（例如用注水測試睇下佢有冇漏水）如果穿咗嘅話佢都有可能係前列腺液。
（前列腺液呈乳白色，屬於精液嘅一部分，可能嗰陣未完全射精但都流咗啲出嚟。）
如果檢查完發現冇穿嘅話，就有可能係陰道分泌物。陰道分泌物有機會喺不同情況eg. 性興奮嘅時候而變得杰身啲同呈乳白色。
希望解答到你啦:)
安全套沒有穿，入咗兩次水檢查過冇滴水，而我係外射，再加上月經前安全期，請問這樣安全嗎？
Hello @Jaycgan
如果以你所講 “安全套沒有穿，入咗兩次水檢查過冇滴水” ，如果你喺性交嘅過程裏面，係完美使用安全套，帶到落去陰莖嘅根部，咁基本上懷孕嘅機率係非常低。
只要有正確使用安全套，無論你係安全套內射精定係離開對方身體後先射精，安全套都會提供到足夠嘅保護，有一定嘅避孕功效。
不過其實我哋都同你解釋過好幾次，其實計月經前安全期係唔準確㗎，而且除咗你唔進行性行為以外，其實都冇一個避孕方法係100%安全，只能夠盡量透過正確使用可靠嘅工具去提升安全性。如果你認為現時只靠使用安全套唔能夠為你地提供足夠或者令你地安心嘅避孕功效，可以考慮同時使用荷爾蒙式嘅避孕法，例如事前避孕藥或者避孕針。而如果自己真係冇辦法承擔任何風險，都要認真考慮一下而家係咪適合繼續進行性行為嘅時機。
如果你真係好擔心會唔會懷孕嘅話，都可以考慮喺性行為發生後7日同埋11日去買驗孕棒驗孕。