Yaz跌左一粒

琴晚食藥果陣跌左粒藥搵唔番 有食住下一粒先
請問需唔需要買一盒新 補番果一粒? 目前仲有兩粒粉紅色同4粒白色

Hello
根據你咁講,你係要買盒新嘅藥,食返同樣服藥週期數量嘅藥物嘅。如果你係食緊24+4呢種藥,咁係要一個週期食24粒粉紅色活性藥丸(即係含有人造荷爾蒙成份嘅藥),同埋4粒白色非活性藥丸(即係冇人造荷爾蒙成份嘅藥丸,通過呢個服藥導致嘅身體荷爾蒙水平變化,你會出現「撤退性出血」,即係好似「月經」咁,只不過喺藥物影響下,呢個「月經」並唔係好似冇食藥嘅時候因為人體荷爾蒙週期變化同埋排卵等因素造成),每次服用晒一排藥,先會有穩定嘅避孕功效,亦都會因此有比較規律嘅月經。 :blush:

或者你亦可以考慮照樣每日食藥,食埋剩低嘅2粒粉紅色,4粒白色藥丸,食完4粒白色之後嗰日開一排新藥。喺咁樣嘅情況下,你開新藥嘅日期會比平時提前咗一日(例如如果你之前一日係星期一開始食新一排藥,而家就會變咗星期日開始食新一排,你可以根據你嘅情況喺新開嗰包藥到痴返啱嘅日期貼紙,提醒自己食藥)。如果你已經堅持服藥一段時間,平時有準時服藥,冇漏服嘅情況,理論上唔會影響避孕功效,不過可能會令到你嘅「月經」有輕微浮動。

有其他問題歡迎隨時問我哋呀!~ :sparkling_heart: