餵吾飽女仔

我最近由炒散轉左長工。但係發現自己有性需要但要忍住
因為我無論做愛/打飛機。之後果日反工累到好吾掂。狀態好差
所以E排女朋友來求歡我都 say no。但總吾可以長期係甘:disappointed_relieved::disappointed_relieved::disappointed_relieved:
最近有日我地裸睡。佢慢慢咁令到我性欲高漲。條J都硬哂。慢慢用手摸叫我放鬆。跟住好主動坐上來。但我都係推開佢
因為而家份工真係反到個人好累:dizzy_face::dizzy_face::dizzy_face:

甘樣應該點搞好:pray::pray::pray:

Hello
多謝你信任我哋同我哋分享。 :smiling_face_with_three_hearts:

好明白有時發生性行為唔係淨係有性慾就得,都要睇返當時嘅環境、身體狀況、精神狀態、時間地點等等嘅因素。所以並冇話要點樣發生性行為先叫做「正常」或者「好」。而最緊要嘅係溝通,搵到最適合你同你伴侶嘅相處方法。 :wink:
例如你可以嘗試同女朋友講,呢排轉咗工令你好攰好緊張,精神或者體力上未必想發生性行為,唔代表你哋嘅關係改變咗,或者佢喺你眼中唔再吸引,而係呢段時間你嘅狀態未必準備好。而你哋都可以一齊討論下點樣先係令到你哋開心、舒服、享受嘅性行為同接觸。其實唔一定發生插入式性行為先得,有時愛撫、親吻、相擁裸睡、口交、手交等等,都會帶嚟歡愉嘅感覺㗎。又或者你哋可以約好,每個星期有一日/幾日(例如你哋放假,或者相對冇咁忙嘅日子)可以做啲特別嘅嘢,可能呢種期待嘅感覺,甚至係儀式感會令到大家都更加放鬆,更加享受到性行為/性接觸。甚至對於一啲人嚟講,發生性行為有舒緩壓力、「叉電」嘅感覺。

你哋一齊商量下、探索下,搵到最適合你哋嘅方法! :sparkling_heart:

我作為一個男仔。滿足吾到女朋友正常需要都係有D吾開心:disappointed_relieved::disappointed_relieved::disappointed_relieved:

但暫時體力上是應付吾來。我都有D怕佢會以為我吾鐘意做:disappointed_relieved:如果買D性玩具比佢點開聲好呢?

琴晚兩個人錫左一陣。我都射左精係佢個肚到。佢都係話等我好D先同佢做。甘樣點樣好?

我見到你都有講到「我都有D怕佢會以為我吾鐘意做」,不如試下直接同女朋友講啦,順便可以分享下工作上有咩情況令你覺得好攰,應付唔到。都可以直接同女朋友講返,唔係唔想同佢有性行為,只係近來返工真係好攰,我相信你肯坦承嘅話,女朋友都會體諒嘅,咁就唔怕兩個人估估下。而且聽你咁講,女朋友都好體諒你,都有話等你好啲先再做,咁你就不如真係等自己狀態好啲先好好同女朋友大戰一場啦。適逢聖誕節,如果許可嘅話,請幾日假,好好休息幾日,然後再同女朋友好好享受性愛嘅樂趣啦。

至於買性玩具方面,就真係要同女朋友傾下啦,如果唔知點樣開口,都可以試下send一啲post俾對方,睇下對方嘅反應。不過都要留意返,可能有啲人會覺得性慾上需要被滿足,但另一邊,性愛都係兩個人最親密嘅互動,都要同女朋友傾下係咪可以買一啲性玩具,由你同佢一齊玩,用性玩具增加情趣,但重點都係擺返係你地兩個之間嘅互動。

至於最重要嘅幾個問題,對方係咪真係非常之需要性慾上面嘅滿足呢?定係佢只係想同你有更進一步嘅接觸?而呢個接觸係咪又只可以靠插入式性行為去達到呢?

至於對方夠唔夠滿足,就好睇你地平時性行為嘅頻率,如果同平時都係無分別,只係有時女朋友做主動嘅時候你拒絕咗,咁就要留意下女朋友著重嘅係次數定係每次性愛嘅質素,同女朋友傾下係咪真係唔夠,或者留意下女朋友有無對此表達過不滿啦。

性愛有時可以係愛意嘅表達,當擁抱、親吻等等都唔足夠表達愛意嘅時候,就可能係用性接觸嚟表達,一方面係最親密嘅接觸,而係果個環境下只得你地兩個,係最私密嘅交流,另一方面都係感官同情感上嘅滿足。而性呢件事就不拘泥於係咪有插入,因為女性嚟講最敏感同最多神經末梢嘅地方係陰蒂,可以試下透過刺激陰蒂令女朋友高潮架,不過記住要輕柔同埋用潤滑劑,因為稍微大力少少,女仔就會覺得好痛架啦。市面上都有唔少性玩具主要都係刺激陰蒂部份,例如一啲陰蒂吸啜器或者一啲震動器,你都可以留意下架。

平時都一星期都做4-5次,情慾好就日日都做
琴晚我feel到女朋友好大性需要(極少出現的情況)望到佢下體濕左,好主動靠到我實一實,聲氣仲好嗲同用手不斷掃我JJ,發哂情果樣
結果好勉強甘做左,但而家個人狀況累到 :dizzy_face: :dizzy_face: :dizzy_face:

勉強無幸福,但前晚見到佢比我推開,半夜發現佢係廁所自慰,自己好down :slightly_frowning_face:

為左份工,我d精力真係放哂係到,因為人工高,但放棄左女朋友係咪好衰,話哂自己由廢青樣她變番個人樣的男仔,好大部分係佢一路扶持

只係滿足佢的性慾都做吾到,有D吾開心 :disappointed_relieved:

依家就咁睇你嘅情況,就好似Kaleo所講,最需要嘅係同女朋友直接溝通啊:thinking:有可能女朋友都好想知道你嘅情況,兩個人咁樣估估下其實對件事無幫助之餘,反而會令你地嘅關係出現隔膜,持續落去會對段關係有好大影響架。見到你有提及女朋友因為未滿足所以去咗洗手間自慰,除咗你會唔開心,其實女朋友都可能有呢種情緒,但唔知點開口講。既然大家都咁多concerns,不如坐低好好傾吓呢個問題啦~

另一方面,性行為或者滿足一個人性慾嘅方法唔一定係要發生互動嘅插入式性行為先算嘅。如果真係覺得攰,其實勉強去做對方都會感受到,效果亦未必顯著。可以考慮吓陪伴侶自慰、幫對方自慰、刺激性器官或者購入一啲適合嘅性玩具去輔助。

如果你哋一齊咁耐以來,大家關係都好好,互相扶持,相信呢個問題唔足以令你地分手,因為你哋都好珍惜大家,趁着嚟緊聖誕節好好同女朋友傾吓啦:ok_woman:t2:

1個讚