我11月 28日第一日尼m
之後30號嘅00:20分食左第一次嘅避孕丸(Yaz)
一直每日都有食 食到今日啱啱好兩個禮拜
但其間有一兩日 唔係準時00:20分食 有一日遲左一個半鐘食，有一日係遲左半個鐘左右
係咪已經叫遲食漏食？會唔會已經無效？
然後前幾日 我肚痾過一次 但距離食藥已經隔左10幾個鐘先痾
上網睇肚痾有可能會影響藥效
但我5係食左無耐就痾
係咪身體已經消化左 都有有避孕效果？
今日我同男友無套做左一次 但無射入去
會唔會危險？ 有d擔心
但上網睇話只要經期頭5日食藥 就即時有效？
頭一個星期額外避孕就可以
我今日已經第二個禮拜係咪唔需要擔心？
同埋我想問下 準時食藥係咩意思
我00:20食 係咪就要每日都係00:20食
如果遲5分鐘果d係咪都叫遲左？
Hellooo
首先口服避孕丸有分兩隻- 單一&混合荷爾蒙- 一般婦女多數用混合荷爾蒙避孕丸，而單一荷爾蒙避孕丸則比較適合餵哺母乳嘅婦女使用。
相對單一荷爾蒙，混合荷爾蒙避孕藥要求會冇咁嚴格，遲個半鐘/半個鐘食係冇問題的：）（如果驚自己唔記得食嘅話可以用手機app提醒自己以防漏服）
而「距離食藥已經隔左10幾個鐘先痾，係咪身體已經消化左 都有有避孕效果？」如果係隔左一段時間後先有痾嘔嘅話其實粒藥已經消化吸收左所以係無影響嘅~真係好擔心嘅話都可以考慮用埋安全套，咁樣就更加放心
「但上網睇話只要經期頭5日食藥 就即時有效？頭一個星期額外避孕就可以」理論上係嘅因為藥效會build up得快啲，第二個禮拜如果唔係出現漏服嘅話其實都唔使太擔心，不過有樣嘢都要留意嘅係，如果食嘅時候有出現副作用例如嘔吐，其實就已經將藥物排出左，咁就冇效㗎啦～ （食完之後嘅2-3小時內出現 ）另外，如果係24小時之內漏服有效藥丸，一旦記起就應該儘快服食，並喺下次按正常時間服藥。如果超過24小時仍未服用任何含有效成分藥丸，避孕藥的效力可能已降低。建議之後兩星期都用返避孕套（如果係漏食Yaz呢個情況）
另外都見到你係近排先開始食事前藥，身體都需要大概三至六個月嘅時間去適應藥物先會有穩定藥效呀-服用初期可能會有噁心、頭暈、頭痛、乳房脹痛、水腫及情緒轉變等副作用出現，但一般會喺數星期內消失，始終都要比身體適應藥效，同埋每個牌子劑量不一，如果擔心嘅話都可以諮詢下醫生，睇下依家食緊嗰隻係咪真係啱自己，另外喺家計會買藥都會平一半架
希望解答到你:)
咁我想問係咪只要準時食事前
唔用安全套但外射 都安全？
懷孕風險高唔高？ 係咪食左會唔排卵？安全？
Hello
首先，話返俾你聽事前避孕藥嘅基本原理係咩先，係透過人造荷爾蒙，1) 抑制卵巢排卵，2) 令子宮內膜產生變化，受精卵就無法著床以及3) 增加子宮頸分泌物嘅黏稠度，令精子難於穿過黏液，進入子宮腔內。所以如果完美使用事前避孕藥（包括食藥前徵詢醫生意見確保適合食藥、每日定時食藥、食藥後冇出現嚴重副作用、每年進行身體檢查確保身體適合繼續食藥等等），佢嘅成效會高達99.7%，懷孕機會相當低。
至於你提及「只要準時食事前，唔用安全套但外射都安全？」，其實只要有定時食藥，無論係唔係體外射精，都可以達到相當高嘅安全度。因為陰莖喺性興奮嘅時候已經會分泌出透明且黏稠狀嘅尿道球腺液，裏面含有少量精子，，所以單靠體外射精係唔可以完全避免精子接觸到陰道。但好似我上面所講，事前藥嘅作用會抑制卵巢排卵，同埋令精子難以穿過黏液進入子宮，所以只要有準時食藥，都會有相當高嘅避孕功效