遲左2星期.

11月7至12日黎左5日
到而家都無黎過m.
12月9日有搞過.
亦24小時內食左事後丸.
12月17 18 19都有驗過無事.
18號睇埋婦科食緊荷爾蒙藥.
想知原因:disappointed:

Hello
首先想同你解釋返,其實月經會受好多唔同因素影響,例如荷爾蒙分泌、飲食、作息、壓力、生病、藥物等等。所以每人每次月經嘅狀況,例如月經週期嘅長度、流血日數、經血量、經痛程度等等,都可能會有啲唔同。譬如有時情緒壓力比較大、比較緊張嘅時候,月經週期就會有啲浮動。即使你平時嘅月經都好穩定,都唔代表嚟緊都一定會冇任何變化。所以用app或者日曆去預計月經。未必會好準確,因為呢啲計算方法唔會考慮到你身體嘅唔同情況。不過有紀錄月經嘅習慣都係好嘅,當月經情況連續出現好大嘅浮動,可能都值得去檢查下身體,有無病理性嘅原因導致有呢啲變化;或者如果有時睇醫生,醫護人員都可能會詢問你月經嘅情況嘅。 :blush:

而睇返你嘅情況,如果你12月9號發生咗最後一次性行為,咁7日後(12月16日)驗孕就會有初步結果,而11日後(12月20號)就會有相對準確嘅結果啦。驗孕係檢驗身體有冇hCG呢種受精卵著床之後身體先會分泌嘅一種激素,而卵子受精著床需要6-9日時間,所以要發生性行為之後一段時間驗孕先準確。如果你17 18 19三次驗孕都有正確咁使用驗孕棒,咁個陰性結果應該係準確嘅。如果你依然擔心,你都可以再次驗孕,而再驗孕嘅時候,距離性行為過咗11日,喺正確使用驗孕棒嘅情況下個結果會係可靠嘅。 :relaxed:

排除完懷孕嘅可能性之後,可能你就會安心啲,耐心等月經嚟啦~

你有提及你有服用過緊急避孕藥,其實事後丸係通過高劑量嘅人造荷爾蒙去達致避孕嘅效果,所以有機會因此對嚟緊1-2次月經週期造成影響。而且你又因為睇咗婦科,開始食緊荷爾蒙藥。呢啲因素都會影響你嘅月經㗎。同埋都想了解返你食緊嘅荷爾蒙藥係邊一款藥?因為有啲荷爾蒙藥係可以作為避孕藥嘅,係連續服用嘅情況下月經唔會出現,而係停藥期/服用非活性藥丸期間,先會有藥物控制下嘅「月經」現象。如果你唔係好清楚自己服用緊咩藥,或者真係好擔憂嘅話,你可以詢問返你睇嘅婦科醫生去了解返呀! :woman_health_worker:t2: :man_health_worker:t2:

荷爾蒙藥 . normens renata limited
食3日架咋.每4小時一次

至於驗孕今日再check都系1條線:disappointed:
咁系米即系代表可以放心等佢黎:neutral_face:
其實之前一直都唔準。
但未試過遲2星期多:disappointed:
所以上網睇左好多資料.
而家又擔心會唔會係宮外孕所以驗唔到:woman_facepalming:t2:

如果今日驗孕都係陰性,你要嘗試相信呢個結果。 :blush:
現時嘅驗孕棒有好高嘅靈敏度(sensitivity)同特異性(specificity),喺正確使用嘅情況下係有好高嘅準確度嘅。而即使係宮外孕,因為有受精卵(喺子宮以外嘅地方)著床,所以身體依然會分泌hCG,其實都係可以用驗孕棒驗到。有時網上可能有啲人話宮外孕驗唔到,但其實我哋難以去求證佢所講嘅係咪事實,或者有無一啲特殊嘅情況導致(例如其實佢冇正確使用驗孕棒所以先會驗唔到)

你都有講到話自己本身月經週期並唔穩定。今次又有食事後藥同另一種荷爾蒙藥。呢啲藥物都會影響你本身身體嘅荷爾蒙分泌,需要一段時間先會穩定返。所以今次月經係會同平時比較好唔同。

耐心等待下,嘗試做下自己鍾意嘅嘢,令到自己少啲緊張,月經會出現嘅!

咁系米即係我等佢黎就得:neutral_face:
唔洗再睇多次婦科?
仲有想問下其實
遲幾耐先算最嚴重.
我遲左2個多禮拜算唔算耐?

Hello @Atbicndg

明白到依家呢一刻嘅你係非常之擔心嘅,但係我都希望你相信自己嘅身體以及醫生嘅判斷,你所講你嘅月經週期一向唔穩定,而喺你解釋嘅過程當中見到你又食事後丸又食荷爾蒙藥,同一時間可能係等候月經嚟嘅過程裏面,你都非常之焦慮同埋擔心…

你而家嘅身體就好似處於原始時期人類見到獅子老虎嗰種繃緊焦慮嘅狀態,你嘅身體嘅細胞其實都嚟唔切調整,繼而有返正常嘅新陳代謝。用另一種講法,由於月經其實係令到身體出血,所以亦都係一種健康嘅象徵,如果你嘅身體其實已經意識到在流血會令到你嘅身體太虛弱,佢哋有可能就不停發出呢個訊號,畀身體推遲你嘅月經。

明白叫你去放鬆係好困難嘅,但係都希望你明白以及體諒你嘅身體,一直擔心其實都唔會令到你嘅月經快啲嚟,而可能呢重嘅焦慮仲會令到月經推遲更加多… 可以適當地沖下暖水涼,飲下啲可以令到你身體放鬆嘅茶… 用一啲外在嘅方法,令到你嘅身體明白到你冇事,亦都可以幫助到你嘅身體有返正常嘅新陳代謝,促進番月經嘅到來^^