我喺24/11同男朋友有係出面磨jj，冇插入，冇帶套，佢射咗喺出面，但未射前佢jj 同我陰道口一直有直接接觸，而我當時都好濕，唔知佢d分泌物會唔會流入陰道。但係我喺29定30號嚟咗m，係咪即係冇懷孕？
而喺21/12我又同佢做咗同樣嘅嘢，都係冇套冇插入咁磨j，但今次佢好似忍唔住對住陰道口射咗，我都好濕，好驚精液會流入去，所以今日，即22/12食咗事後丸，係咪即係冇事？
但依家仲有d擔心11月嗰次有冇中咗，係咪買驗孕棒驗吓會好d?
Hello @Nicole
首先，答返你第一條問題，基本上如果你係喺月經前有性行為，然之後已經嚟咗m，其實基本上已經可以確定你嗰次嘅性行為冇令到你懷孕!因為其實月經嘅原理係，我哋上一個週期卵子冇喺準備好嘅時候同精子結合，所以月經嘅期間卵子會連同經血一齊排出，所以基本上有月經即係代表著我哋上一個週期冇懷孕!
而第二次你所講係12月嘅時候進行性行為，第二日已經食事後丸，的而且確係可以避免到懷孕嘅!
但係都提提你，即使係冇插入嘅性行為，如果雙方嘅性器官喺磨擦嘅過程裏面係有互相掂到，其實陰莖龜頭部分喺未射之前都會有尿道球腺液，即係我哋成日講嘅precum，啲透明液體其實係包含少量精液，如果由陰道口入到去陰道裏面係有機會造成懷孕嘅，而其實喺性行為嘅過程裏面，我哋都好難好確定黏有precum嘅尿道球腺液，有冇透過磨擦嘅過程入到陰道口 ; 另外，雖然事後丸藥效上係可靠，成效都有97% 至99%，但係唔建議因為將會服用事後丸，而去發生唔安全嘅性行為。由於事後丸嘅副作用其實比較大，所以都唔建議你喺同一個月經週期裏面食多過一粒，亦都唔建議你每一個月經週期都食! 所以都希望你下次再有類似嘅性行為嘅時候，都同你嘅伴侶傾清楚可以承擔嘅風險，用你哋兩位都覺得舒服嘅安全措施，例如安全套、事前避孕丸、避孕針等等。