射精射到陰毛

想問扑嘢嗰時有戴套 係未想射之前已經攞返出黎 但射嗰時射左少少係陰毛上面(唔近陰道口),事後有用消毒紙巾抹, 咁會唔會懷孕

Hello
如果你哋發生性行為嘅期間冇使用任何安全措施,陰莖同陰道/陰道口有接觸,咁都會有一定嘅懷孕風險嘅。因為陰莖喺受到刺激嘅時候會分泌透明嘅尿道球腺液(pre-cum),當中有機會有少量精子,所以即使冇體內射精,亦有機會有精子進入體內。

你可以同伴侶商量需唔需要進行緊急避孕,你哋可以喺性行為72小時/120小時內,喺醫生處方下服用緊急避孕藥(即係事後藥)。如果醫生認為伴侶嘅身體情況唔適宜服用緊急避孕藥,咁都可以考慮喺性行為120小時內由醫生放置子宮環作為緊急避孕嘅方法,與此同時,子宮環亦可以作為長期避孕措施。你哋可以盡快預約家計會診所/母嬰健康院/部分私家診所睇醫生。 :man_health_worker:t2: :woman_health_worker:t2:

而如果你同伴侶商量,衡量過風險之後,認為唔需要使用緊急避孕措施,而你哋又擔心嘅話,都可以考慮自行驗孕。喺性行為7日後驗孕會有初步結果,11日後驗孕就會得到相對準確嘅結果。你哋可以計算返日子,然後根據驗孕棒包裝/說明書嘅指示進行驗孕。 :blush:

最後想提返你哋,體外射精並唔係一個安全可靠嘅避孕方法 :x:。下次再發生性行為嘅時候,記得使用安全套。關於安全套嘅正確使用方法,可以參考:Login • Instagram
或者伴侶可以考慮使用避孕藥、避孕針呢啲避孕措施。咁就可以更加安心啦! :relaxed:

同埋都想提醒返你哋,陰部嘅皮膚會比較幼嫩,建議用清水清潔,唔建議使用消毒紙巾,以免會令到皮膚敏感,或者破壞陰部健康嘅環境。

唔該晒呀 做嗰時有戴套 係攞返出黎打飛機射嗰時滴左落陰毛邊 嗰時有著底褲 滲左落去所以比較驚訝因為都係第一次

Hello

如果做嘅過程有使用安全套而又冇穿冇甩冇漏冇過期嘅話,呢度可以唔使太擔心:) 另外都見到你有提到話射嗰時滴左落陰毛邊。呢度都想問吓過程入面精液有冇接觸到陰道?如果冇嘅話,呢度都可以唔使太擔心風險係低嘅,因為精子需要有精液嘅存在先會生存到,一旦暴露喺空氣不足幾分鐘之內就會揮發同死亡,而精子接觸到皮膚嘅話就會吸收。喺揮發&吸收嘅過程入邊精子已經唔會生存到。如果真係好擔心嘅話,正如@ [Ching_StickyRiceLove]所講,都可以考慮食返事後丸呀:)
最後都想提醒返,並唔係每隻消毒紙巾都適用於皮膚,尤其係陰部相對脆弱同敏感,有機會太刺激同未必代表可以殺精呀,所以都唔建議用。一般只係需要用清水清潔外陰就已經好夠(唔使灌洗):+1:t6:

唔該晒你呀 做嗰時個套係無穿無漏無射 係射嗰時係隔住底褲滲左落去陰毛 但係個位唔近陰道口 其實懷孕機率係咪好低㗎?

就好似 @Andy_StickyRiceLove 咁講,精子需要有精液嘅保護先可以生存,而當精液接觸到衣物之後,大部分精液會被物料吸收,所以精子嘅存活率好低,懷孕嘅機會亦都好低阿~

新年快樂呀 我已經係24小時內食左時候丸 但係嗰日係排卵期後一日 想問作用大唔大 而家日日係度驚雖然應該無事:point_right:t4::point_left:t4:

Hello~ 事後丸嘅原理係透過人造荷爾蒙抑制排卵或者干擾受精過程,而現時大部份嘅事後丸都同時具備依兩個藥效,所以即使係喺排卵期之後服食都依然會有緊急避孕嘅效用。不過留意事後丸並唔可以作為恒常嘅避孕措施,所以建議你同伴侶喺之後嘅性行為時使用返有效嘅避孕措施,例如安全套、口服避孕藥、避孕針等。

性愛個時有帶套 無穿無漏無甩 攞返出黎打飛機射個時 我著住底褲 但係有少少滲左落底褲落陰毛 用左消毒紙巾清潔 之後24小時內食左事後丸 嗰日係排卵期後一日 想問風險大嗎?

Hello​:smiling_face_with_three_hearts:就好似 @Ana_StickyRiceLove @Andy_StickyRiceLove 上面所講,大部份精液接觸到衣物之後會被物料吸收,精子嘅存活率好低,加上你喺24小時之內服食事後丸,所以懷孕風險都好低呀~
同埋提返你啦,其實所謂嘅風險高定低都係一個比較,你今次嘅情況比起完全冇用安全套嘅風險的確較低,所謂嘅「低風險」未必等於唔會懷孕,「高風險」亦未必等於一定會懷孕。只要有性器官或者體液間接/直接接觸,就有可能有懷孕或者傳播其他疾病嘅風險。既然你已經選擇咗透過事後丸作緊急避孕,醫生亦認為你嘅身體適合服食事後丸,咁可以做到緊急避孕功效嘅成功率都好高,唔駛太擔心呀。你可以係性行為發生7日後驗孕,到時就會有一個初步嘅結果,而係11日後驗,結果就會更加準確,都是就可以知道自己有冇懷孕啦。