插入式性行為後微量出血

最近剛嘗試了兩次插入式性行為(之前也有把手指還有玩具放進去的經驗,沒有流血),但是剛進去那一下會有一點撕裂的痛,然後男伴完事後就發現有微微出血,床上有一小塊漬這樣…想問一下大家有相關經驗嗎?我最近上了子宮環,一直點滴出血直至最近才完結,這個會有影響嗎?謝謝解答:pray:

Hello
根據你嘅講法,你出血嘅原因應該係因為潤滑不足,陰道有輕微受損。而如果你係初頭幾次發生插入式嘅性行為,亦有可能係因為陰道前冠(俗稱「處女膜」)破損而流血。你可以考慮下次再發生插入式性行為嘅時候使用潤滑劑,可以減少摩擦帶嚟嘅痛楚,同減少陰道因為磨擦而有損傷嘅機會。 :blush:建議使用水性/矽性/水矽混合型嘅潤滑劑,唔建議使用油性產品。因為一嚟油性產品會有機會破壞陰道嘅酸鹼平衡,破壞陰道嘅健康環境;二嚟油性物質會使乳膠安全套破裂。想了解更多關於潤滑劑嘅資訊,可以參考:Login • Instagram 同埋 Login • Instagram

而置入子宮環之後點狀出血係有機會出現嘅副作用,但如果情況一直持續,或者有嚴重,就要搵醫生檢查下呀!理論上使用子宮環唔會導致性行為後出血,不過你都可以留意下出血情況,如果有異常嘅話記得去求醫。 :woman_health_worker:t2: :man_health_worker:t2: 可以參考:子宮環 - 香港家庭計劃指導會
同埋想提下,子宮環只係避孕措施,並唔能夠好似安全套咁有減少性病傳播同其他感染風險(例如尿道炎,念珠菌感染、陰道炎等等)嘅作用,你都可以考慮再發生性行為嘅時候配合安全套一齊使用㗎。 :wink: