吾做愛的性慾

我前排有上來講過番工太累,同女朋友完全無哂性生活
但係自己都係比較多勃起同性需要,都會打飛機自行解決
JJ有少少紅同痛,係咪有少少發炎:flushed:
最近係咪忍下好D

但係最近每晚都會夢遺,我都2X了仲比較多性幻想係咪吾正常,定潛意識叫我要搵番女朋友做愛呢?

陰莖會勃起主要係因為有血液流入,陰莖充血而成。有好多因素都會導致血液流入,例如神經反射動作、受到刺激(例如衣物摩擦,物理刺激)、荷爾蒙水平變動(青春期期間會特別明顯)同埋有性慾。而係睡夢中勃起或者夢遺都係自然反應,會由上述所講嘅原因導致。當睪丸素水平上升嘅時候就會更容易出現呢兩個狀況,而睾丸素水平接近早上會偏高,所以好多時都會係朝早接近起身嘅時候發現。

陰莖會勃起或者夢遺都係常見代表性功能無異常嘅衡量標準之一,而夢中勃起或者夢遺其實都唔係每個人或者每一日都會出現嘅情況,好多時亦會隨著年紀增長而減少。

至於「有性需要」、「有性幻想」其實都係正常嘅事,每個人都會有自己嘅需要,就好似食量咁樣。冇話去到幾多歲就應該要點樣,亦無一個所謂「標準」嘅頻率。好多人會以為「有性需要」係年輕人嘅專利,但其實呢樣嘢係無年齡之分,過往都有唔少研究指出即使係去到年老嘅階段(70歲或以後)其實都係會有性慾,外國嘅數字70歲或以上嘅人平均一年亦會有10次嘅性行為。所以有「性幻想」或者「性需要」都係好平常嘅事呀。點樣去滿足性慾係好個人嘅事,你可以自己解決,亦可以同伴侶發生性行為,呢樣嘢就睇番你自己嘅情況(返工忙唔忙、同伴侶夾唔夾到時間、急唔急等等)去決定啦~

不過,見到你話陰莖有紅同痛,有機會係發炎嘅徵狀,亦有可能係刺激陰莖嘅時候大大力或者無足夠嘅潤滑而導致表面皮膚有磨損,而如果最近有換過沖涼液或者衣物清潔劑等亦有機會係皮膚對呢啲物質敏感。最近呢排最好都避免自慰或者進行性行為,保持日常清潔完,觀察一下情況有冇改善同復原。如果過多幾日情況無改善,甚至惡化或者開始有異常分泌物(例如顏色改變或、有異味或者小便刺痛),咁就要盡快去求醫啦!

想問早上睇AV係咪正常,因為我好似沉迷左果種興奮的感覺
會忍住吾射,只係想個人溫度上升

Hello @Bearput
睇av、 有性慾或者有性興奮係正常㗎,而且其實享受嗰種興奮嘅感覺都係好正常嘅, 只要睇av或者係呢種興奮嘅感覺唔會影響到你嘅日常生活同正常社交就冇問題,例如你唔會為咗要睇av而令到你返工返學遲到。:blush: