急急急!事前藥一問

我已經食咗成年yaz
上個禮拜五同禮拜六唔記得食藥 禮拜日發現既時候根據Yaz說明書食咗兩粒藥 係禮拜一又食兩粒藥 之後keep住每日食一粒
說明書指如果要有性行為 要係之後既7日內都帶condom

但我同男朋友於上個星期三有性行為 冇套
佢射咗係出面 但射完用紙巾抹吓又插翻入去
我即刻叫佢停 但佢已經入咗
想問吓咁既case懷孕機率高唔高?

Hello
避孕藥的確係要每日準時服用先會有穩定嘅避孕功效嘅。而當你唔記得服藥,尤其你唔記得食兩日,應該要發現嘅時候補食返,而且7日內發生性行為嘅時候建議要配合埋安全套一齊使用,以防因為漏服藥而避孕失效。而因為你漏服咗兩粒藥,如果想更加安全,不妨14日內到配合安全套一齊使用。 :blush:

如果你係星期三發生咗性行為,星期五同六唔記得食藥,咁理論上你星期三嗰次性行為嘅懷孕機率係好低微嘅。因為你有食yaz一年,身體應該已經建立咗穩定嘅藥效。避孕藥係通過人造荷爾蒙去抑制排卵、增加子宮頸分泌物粘稠度使精子難以穿過、改變子宮內膜環境使受精卵難以著床,從而達致穩定嘅避孕功效。 :relaxed:
如果你真係好擔心嘅話,你可以考慮驗孕。喺性行為(12月29號)7日後(1月5號)驗孕,會有初步結果,而11日後(1月9號)驗孕就會有相對比較準確嘅結果。

總括而言,你星期三嘅性行為嘅懷孕風險係好低嘅。反而係要注意漏食藥之後再發生性行為,要使用額外嘅安全措施! :wink:

最後,建議你可以設定鬧鐘提自己每日服藥,或者用一啲app去提醒同記錄自己嘅服藥情況,而家都有啲app係專門俾需要服用避孕藥嘅人用嘅。你可以考慮下呀~ :sparkling_heart: