指交好驚有咗

12月19號嘅時候去咗男朋友屋企

我幫佢打完飛機之後我哋一齊用紙巾抹

唔知佢隻手有冇hi 到

然後冇洗手就用手幫我,有插入

我想知咁樣會唔會有機會有bb?

我已經遲咗2星期仲未嚟m

而呢兩個星期嚟講每一日都係煎熬

雖然之前經期都唔太準時

最近都有諗過買驗孕棒,有冇話介紹邊隻準/好用?唔該晒,希望有人解答我:sob:

Hello @Wendy
首先想你知道不論係尿道球腺液/精液,接觸空氣之後,好快就會隨住空氣,令入面嘅水分蒸發變乾,並令精子失去活動能力而死亡。尿道球腺液/精液接觸到唔同物質例如皮膚、衣服等,都會進一步降低精子嘅活動能力。所以一般幾分鐘內尿道球腺液/精液都已經會乾透,令精子無辦法游入陰道內,導致懷孕。所以如果 你哋一齊打完飛機之後有用紙巾抹手,咁果個時候精液都可能已經乾透失去活動能力,導致懷孕嘅風險係比較低,無需太擔心住嘅 。

如果真係好擔心嘅話,都可以去買驗孕棒嘅。而而家市面上嘅驗孕棒基本上都非常準確, 只要跟足說明書指示,就可以獲得準確嘅結果。 一般驗孕棒都要係喺性行為七日後驗孕,就可以攞到一個初步嘅結果。11日之後就可以攞到一個準確結果。而如果以你所講你同男朋友指交呢個行為係12月19號發生,即係你而家去驗孕的話係可以攞到準確結果嘅。

不過都建議下次男朋友/彼此接觸過自己分泌物之後,都先洗手,然後先再接觸對方嘅性器官,咁樣都有助避免懷孕及性病傳播嘅風險啊 。
經期本身係會受好多因素影響嘅,例如生活習慣改變、生病服食過藥物、心理壓力大等等, 所以月經遲嚟唔一定係代表著懷孕假都希望你盡量放鬆心情, 等待月經嘅來臨:smiling_face_with_three_hearts: