懷疑自己對精液過敏

每次男朋友內射完我都會好乸 好痛 好似比火燒咁樣:cry:同埋陰唇部分腫脹:sob:想問下可以去邊度睇醫生?上網搵得好少資料:woman_facepalming:t2:係咪要做脱敏治療?

Hello @Lkyan

你講呢一個好乸、痛同埋陰唇會腫嘅情況唔係淨係得精液過敏會出現嘅, 仲可能有機會係以下情況:
1.性行為嘅時候潤滑度唔夠,導致過度磨擦,令到陰唇個位好腫脹同埋亦都會有那同埋痛嘅感覺。
2.或者係有細菌入咗去喇陰道,咁就導致細菌感染或者係陰道炎。

其實都仲有其他嘅因素會影響到…
而由於而家有關於精液過敏相關嘅啲醫療嘅資訊比較少, 而我哋都感受到你而家呢個情況應該好唔舒服 ,所以我哋都建議去睇婦科醫生check下啦, 點解返當中原因就冇咁擔心啦:blush:

同男朋友試過戴安全套內射完 攞返出嚟陰唇都唔會有腫脹嘅情況,入邊唔會有乸嘅感覺:worried:但係如果一冇套就會咁:cry:點解呢

如果腫脹同不適只喺係無用安全套時先出現的話,比較大機會係因為潤滑唔夠,係性行為期間因為摩擦而導致嘅不適嘅情況。通常安全套外面都會有少少潤滑劑,當男朋友帶安全套進入身體嘅時候都會有潤滑嘅作用,因此可以減少因為唔夠潤滑而導致嘅損傷同埋腫痛。但當你哋冇用安全套,潤滑度不足,性行為期間嘅磨擦就有機會導致陰道同陰唇受傷。:relaxed:

而且喺性行為嘅過程當中都有機會會有流汗嘅情況,汗水裡面有細菌同鹽分,如果掂到傷口同埋帶入體內就會有刺痛嘅情況。雖然係性興奮時,陰部會分泌液體潤滑,但其實分泌量好容易受不同外在內在因素影響到,自然嘅分泌好多時都唔足夠應付比較長或者激烈嘅性行為。所以,下次可以試下使用潤滑劑,例如水性或者水矽混合型嘅潤滑劑,睇下情況有冇改善。:wink:

如果用咗潤滑劑,或者下次用安全套都有腫脹,甚至出現其他症狀(例如係非性行為期間都會有下體刺痛或分泌物異常)就要盡快去睇醫生啦。:pleading_face:

如果未有懷孕嘅計劃,都會建議喺性行為嘅時候帶安全套,同時亦都可以防止性病嘅傳播。安全期/排卵期係需要月經嚟咗之後先可以推算上一次係幾時,基本上要知道下一次排卵期係要係醫生嘅安排下每日用排卵試紙檢查先會知道,因為我哋比較難去預計所謂嘅安全期,如果真係無計劃懷孕,就要做足安全措施啦。:relaxed:

1個讚

我地試過冇套外射抽出之後都唔會有痛同埋腫脹嘅感覺,我覺得淨係內射先好痛好痛,搞到有啲唔敢內射:cry::cry:同埋我有食開避孕藥嘅習慣,關唔關事?

Helloo

呢度我哋都好難確切咁答係咪100%關事呀,始終我哋唔係醫生唔想武斷咁答一啲我哋唔肯定嘅嘢,但喺你嘅描述入面我都感覺到情況似乎唔太尋常呀:pleading_face:,建議向醫生諮詢返會好啲,呢度我都提供多少少資料俾你參考下:

口服避孕丸有分兩隻,分別係單一&混合荷爾蒙。以單一荷爾蒙為例,佢主要嘅副作用包括 :噁心、體重增加、頭暈、頭痛、乳房脹痛、水腫及情緒轉變。呢啲現象一般屬於輕微及短暫,可能喺幾週後消失。長期使用單一荷爾蒙避孕丸,會令經期紊亂,甚至會停經,但呢啲情況並唔影響健康,留意番以上嘅症狀只係舉例,有機會出現其他情況都話唔定,例如長期服用避孕藥有機會令陰道分泌減少,造成性行為嘅不適;而與此同時我都聽到你形容陰道不適嘅情況多數出現於內射。但具體原因真係要俾醫生檢查下先知道啦~

另外,如果係混合荷爾蒙嘅話,喺服用初期可能會有噁心、頭暈、頭痛、乳房脹痛、水腫及情緒轉變等情況出現,但一般會在幾星期內消失。

祝身體健康:four_leaf_clover::four_leaf_clover: