食完事后丸 流血

我其實22號先嚟完m 之後同男朋友30發生左冇套性行為 係6個鐘之后已經食咗事后丸 但係今日發現自己流血(同平時嚟m果D冇乜分別)想問吓係咪我有左?:pray:t2::pray:t2::pray:t2:

Helloo

其實事後丸只要喺完美使用嘅情況下(冇因為嘔吐將藥物吐出),避孕率都已經差唔多接近100%㗎啦,呢度唔使太擔心:)
以下有個網址關於緊急避孕俾你參考下呀

如果都係好擔心嘅話亦可以喺性行為11日後驗孕 。一般受精卵著床需要6-9日,所以性行為7日後(亦即係今日1月6號)驗孕已經可以有初步結果。而性行為11日後驗孕,已經可以話係準確&可靠。呢度補充多少少先,驗孕主要係檢驗尿液入面嘅hCG(卵子受精着床後身體會產生嘅荷爾蒙)水平。而坊間嘅驗孕棒準確度都好高,只要跟返驗孕棒相應嘅指示操作,喺有效時間內閱讀結果- 通常喺5至10分鐘內(以說明書所述嘅時間為準)- 基本上都唔會有大問題:+1:t6: 如果都係唔放心嘅話都可以選擇去醫院驗血,呢個會係最最最準確嘅方法。

另外都想就住陰道流血嘅情況問多少少,想問下30號之後仲有冇發生過性行為?呢7日期間有冇出血嘅情況?而血嘅顏色大概係點樣?因為距離性交嘅日子已經七日,突然發生呢個情況似乎唔係太尋常呀:pleading_face: 建議睇醫生檢查下會好啲,始終身體要緊攞個保障都好。另外亦有機會係服用事後丸後,陰道出現不規則出血嘅副作用。如果有持續出血,亦都同平日黎經嘅情況相似嘅話,就應該係黎經啦~

最後都有見你因為陰道流血而擔心係咪懷孕,會唔會都有着床性出血(俗稱「假M」)嘅擔憂?呢度補充多少少先,其實佢係指受精卵着床喺子宮壁時有機會造成少量出血。通常剩係得幾滴,又或者係一張護墊可以承載嘅血量,而且係一次性唔會連續幾日咁出現,但血色同普通月經都唔一樣,一般受精去到着床講緊性行為後6-9日,而呢一個現象亦並非常見,只有少量女性會出現。如果出血嘅日子距離性行為已經超過九日,顏色同平時月經差唔多&keep住咁出血,基本上就可以排除着床性出血嘅可能性。

希望解答到你啦:)