最近使用男上姿勢好容易插插下軟左

之前都鐘意女上出野,但係有時都想試下男上,但係經常插左無幾下就開始軟,個硬度係可以進入陰道,但係越插越軟,我之前鐘意睇AV打飛機,唔知係咪受尼個影響,我已經戒左AV,都無咩打飛機了

還有就是通常前戲挺硬的,但是一想要做正場,戴套就會不是那麼硬

Helloo

呢度好欣賞你肯嘗試新事物呀:) 其實喺性入面每個人都有自己嘅喜好,例如你鍾意女上呢個姿勢。呢度可以覺察多啲點解自己咁鍾意呢個姿勢?佢帶俾你乜嘢性幻想?除咗AV嘅因素之外,亦都可能係呢個性愛姿勢滿足唔到你目前嘅性幻想/性喜好,呢度可以feel多啲自己其實鍾意啲乜嘢?喺有共識嘅前提下同伴侶嘗試唔同事物亦可以增進大家嘅嘅情趣呀,同時亦都係一個好好嘅過程俾你去摸索自己嘅身體。再者,心理因素亦有可能影響sex嘅表現,壓力、過分嘅擔憂亦都會容易令我哋冇咁投入喺sex入面,因此陰莖都唔會對刺激有太大嘅反應。而體位嘅角度亦有機會令陰莖不適,影響硬度。

最後都見到你話陰莖唔係咁容易硬,呢度可能都反映陰莖需要多啲/強啲嘅刺激,呢度想問下平時用開乜嘢類型嘅避孕套?如果覺得平時用開嗰隻太厚都可以試下市面上嘅超薄款~ 另外市面上亦有溫感/熱感/冰感嘅潤滑液for增加性愛嘅刺激同感覺。不過記得喺同伴侶有共識嘅時候先用呀:) 始終性愛係雙方嘅事可能都要考慮下對方會唔會覺得過份刺激唔舒服~

謝謝回覆,我的問題好似係有身心混合型勃起功能障礙,平時都有晨勃,但係做愛表現就好容易時軟時硬,我有去醫院檢查荷爾蒙,男性荷爾蒙偏低。

Helloo

男性荷爾蒙偏低的確有機會影響性慾或者勃起功能,但至於需要啲咩後續治療就只可以由醫生判斷啦~

或者可以試下凱格爾運動(Kegel Exercise)去促進海綿體嘅血液循環,增加硬度。做呢個運動前首先要感受一下相應嘅肌肉。可以喺平時去廁所嘅時候忍一忍,感受一下身體近骨盆底嘅肌肉縮放。感受到嘅時候就已經距離成功不遠了,之後就平時得閒嘅時候隨心所欲咁做呢個練習- 收縮5秒,放鬆5秒。大概每日做5組,習慣咗之後都可以延長時間至10秒(當然唔好太耐啦,記得係唔影響健康為前提下進行:rofl:

另外「做愛表現就好容易時軟時硬」,呢一點心理因素都可能會有影響呀,例如之前提及過: 近期發生嘅事、過大嘅壓力、擔憂、姿勢令你舒唔舒服、夠唔夠刺激等等,其實都有機會影響陰莖嘅軟硬度。不過呢個現象都常見嘅唔使太擔心,可以嘗試俾自己放鬆,始終「性」係需要慢慢去摸索,過分在意自己性行為嘅表現亦會構成壓力間接影響軟硬度呀;如果真係好擔心嘅話,不妨都嘗試以一個你同伴侶都感到舒服嘅方法講出嚟,釐清大家嘅需要再睇下點樣調整,例如請伴侶幫自己刺激陰莖令佢硬返都可以係一個方法~

Hello 我狀況好反復,做愛表現時好時壞 最近都試過先讓伴侶使用女上姿勢,之後我轉用後入姿勢,結果又是半途軟了,需要伴侶重新刺激才能硬返,因為這件事我很煩惱,感覺整個人沒了自信,請問需要怎麼解決呢

hellooo 見你頭先都有問另一條類似嘅問題,喺嗰度覆咗,可以睇睇:raised_hands:t6: