第一次女朋友幫我用口 但對自己好疑惑點解咁難硬 想知有咩會影響到（因為我之前連續四日都有運動訓練 唔知關唔關事
）
同埋過程中我有同佢講下點做 但係就冇射嘅感覺 最後要自己打幾下打飛機先射到 想問下可以點做先可以易啲射 定係都算正常（？）
麻煩晒
Hello 首先，其實口交並唔係一件容易嘅事 
。如果以往女朋友都無試過幫人口交嘅經驗，或者你以往被口交嘅經驗唔多的話，其實頭幾次嘗試會覺得刺激比插入陰道或者自己自慰低都係好平常嘅。加上你提及前幾日都有連續運動，其實都消耗咗不少體力，對於陰莖嘅敏感度同勃起程度都會有一定影響。即使今次唔係女朋友為你口交，而係你自己自慰或者插入陰道，其實都可能會出現類似嘅狀況！所以都唔需要擔心自己係咪唔正常，每個人每次對性嘅反應都可以有差異，有時如果真係狀態麻麻哋，其實都無需要強逼自己呀～
平日AV嘅情節好想會見到將整個陰莖放喺口腔入面吞吐，但因為陰莖有一定嘅粗度到同長度，勃起後嘅角度都未必係完全垂直，要放入口腔入面本身已經有一定困難。加上陰莖勃起後係斜向上，但我哋人體嘅口腔係平，其實係接近喉嚨嘅位置甚至係微微向下嘅，所以要喺口腔內刺激陰莖真係唔容易架。一來可能控制力度，二來亦可能刺激到適當嘅位置。比起追求用整個口去刺激，可以試下引導女朋友集中刺激陰莖比較敏感嘅地方，例如龜頭、冠狀溝（龜頭邊緣下面嘅一圈溝狀）或者包皮繫帶（龜頭下方，連結龜頭同包皮之間嘅軟組織）嘅位置，呢啲部份神經末梢較多，會較容易感受到刺激。另外，除咗用口，其實可以請對方係口交嘅時候同時用手握緊陰莖，或者上下刺激陰莖。
好多時AV或者色情資訊都將口交嘅過程誇張化，亦都簡單化咗。因為AV入面嘅都係演員，所以睇落好簡單就會令人好享受咁，但喺現實中並唔係咁容易嘅。而且每個人嘅身體敏感處唔一樣，亦唔係每個人都習慣有物件係口腔入面。慢慢再同女朋友嘗試一下啦～如果對方覺得好攰或者唔舒服，記住唔好強迫對方繼續呀！ 
其實台灣有唔少團體或平台都會經常分享唔同嘅性技巧，例如係 徐老師的性愛教室 或者 異物。當中都包括好多唔同嘅口交方式同常見問題，有興趣都可以同女朋友一齊再研究一下～
1個讚