會唔會有bb 好驚好亂

我想問琴晚同男朋友有性行為 第一次做有帶安全套 有清潔沖涼
其後隔咗一陣 淨係插入幾次 但冇用安全套 都冇射精
其實會唔會懷孕? 好驚 想問洗唔洗去家計會買事後丸?
想搵個答案:pray:t2:

hello 你好 @Hohohi 就你嘅情況,就算冇射精,因為陰莖喺性興奮嘅時侯會流出透明黏稠液體,即喺尿道球腺液 Cowper’s fluid/pre-cum,當中有機會含有少量精子。 雖然比直接喺陰道裡面射精的數量少好多,但喺仍然有機會導致懷孕。 其實在發生性行為72小時(3日)/120小時(5日)之內服用事後丸,都有好大成效可以做到緊急懷孕!

而係香港,事後避孕藥屬於醫生處方藥物,一般聲稱有售事後丸的藥房或網店,由於無醫生駐診,所以所賣的藥唔一定可靠。另外,部分私家診所都有事後丸,詳情要查詢個別醫生,再緊急的可以去急症室求診。 你亦可以去家計會嘅診所求診,26歲以下可以去青少年保健中心,26歲以上可以去節育指導診所。聽日星期六家計會診所依然會應診,你可以聽朝打去預約,確保診所有位先去見醫生。留意返事後丸含有劑量較大嘅激素,所以服用事後丸之後,可能會出現噁心或不適等嘅副作用。亦有機會影響下一次嘅月經。

如果妳喺擔心嘅話,記得儘快諮詢合資格醫護人員嘅建議採取緊急避孕方法啦!希望可以解答到你最逼切嘅需要!

另外,如果醫生認為你嘅身體情況唔適宜服用緊急避孕藥,咁都可以考慮喺性行為120小時內由醫生放置子宮環作為緊急避孕嘅方法,與此同時,子宮環亦可以作為長期避孕措施。你哋可以盡快預約家計會診所/母嬰健康院/部分私家診所睇醫生。