唔知有冇BB

上個月27嚟m31號完左 今個月7號同男朋友發生性行為嗰陣嗰套穿左少少就冇繼續講男朋友都冇射,想問下懷孕機會大唔大?

hello 你好 @Bdhnsb ,都感覺到呢次意外帶俾你嘅困擾,就你嘅情況,就算冇射精已經抽出陰道,因為唔清楚安全套喺咩時候已經穿咗,而陰莖喺性興奮嘅時侯會流出透明黏稠液體,即喺尿道球腺液 Cowper’s fluid/pre-cum,當中有機會含有少量精子。 雖然比直接喺陰道裡面射精的數量少好多,但喺仍然有機會導致懷孕。 你可以考慮採取補救措施,喺性行為發生後72小時或120小時內,喺醫生處方下服用緊急避孕藥(即係事後藥)。視乎情況,醫生會處方適合你嘅事後丸比你食。但如果醫生認為你嘅身體情況唔適宜服用緊急避孕藥,咁都可以考慮喺性行為120小時內由醫生放置子宮環作為緊急避孕嘅方法。與此同時,子宮環亦可以作為長期避孕措施。你哋可以盡快預約家計會診所/母嬰健康院/部分私家診所睇醫生。
另外提提你, 都見到你用一啲日子嘅數字去嘗試推斷自己帶大唔大機會懷孕 , 咁我哋都可以叫呢一種做嘗試使用安全期避孕。使用安全期避孕並唔係一個有效的方法。因為月經週期可以被太多因素影響,變相亦較難準確推算出一個絕對『安全』的日期。加上每個人排嘅時間都不同, 所以最理想是在有使用避孕方法的情況下才進行性行為。