想條j大啲

想知14歲用增大膏有冇用同有冇副作用?成日覺得自己好細,想條j大啲

Hello

呢度似乎我都聽到你有啲顧慮,介唔介意分享多少少點解自己會咁介意陰莖大細呀?係擔心自己同其他人唔同?還是你都有其他考慮例如驚影響將來同伴侶嘅親密關係?

另外我好欣賞你會主動上黎分享呀:)我諗對你嚟講係一件非常之需要勇氣去講出嚟嘅事。不過呢度你介唔介意都分享多啲點解會覺得自己係「細」?會唔會係同朋輩或者色情影片比較而產生嘅諗法?呢度都想補充多少少嘅係色情影片嘅演員其實都係特登挑選出嚟嘅,唔能夠作參考嘅標準~

與此同時每個人都係特別嘅,就算陰莖所謂嘅「細」都好,都絕對唔代表你唔正常。如果係擔心影響未來嘅親密關係嘅話,其實都仲有好多技巧我哋可以用去增進同伴侶嘅關係。再加上你而家發緊育,陰莖都有機會變粗同變長,呢一個位可能都需要俾啲時間自己:raised_hands:t6: 而亞洲地區成年男性嘅陰莖長度其實都係介乎9-11cm左右~而女性陰道嘅長度平均9-10cm, 所以普通size已經足夠令女性可以有性高潮嘅感覺架啦~反而太長未必係每個女性都鍾意因為可能會痛。

而坊間增大膏嘅原理主要係透過刺激陰莖血液循環造成視覺上嘅增大效果,不過呢樣並唔係永久嘅。當然你都可以根據自己嘅需要考慮係咪使用啦,但係都記得選購番啲值得信賴嘅牌子,睇下產地、成份等等,咁就又安全又放心啦:sunglasses: