女朋友月經未黎

Hello,我女朋友原本應該5/1 黎m,但係到今日都未黎,只從上次月經後到今日都沒有插入行為 只有用口,請問會唔會有左 前日驗過一次 但過左3個鐘再睇有條好唔明顯既線

只係用口冇插就冇事啦

Hello~ 首先如果上次月經後到今日都冇插入式性行為,只有口交嘅話,精子無接觸到陰道,所以懷孕機率係好低嘅,唔洗太擔心:relaxed:

至於使用驗孕棒的確係可靠嘅方法去了解有無懷孕,驗孕棒係透過檢測尿液中嘅hCG (人絨毛膜促性腺激素)含量,呢款激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果,如果結果係陰性就代表無懷孕啦:blush: 而係11日後或者預計經期嘅日子驗孕結果會更加準確。不過記得要睇清楚說明書嘅指示後再驗孕,因為所有驗孕棒都會有一個有效嘅閱讀結果時限,一般係5-10分鐘內,所以你提到過咗三個鐘頭之後再睇嘅結果已經超過左有效時限,係唔可以作準嘅。

月經其實會受好多種類嘅事情影響,包括身體狀況壓力情緒等等, 所以你都可以留意下女朋友近期係咪面對緊一啲新嘅挑戰,有機會令到佢有壓力嘅事情;或者有冇機會佢近期有唔舒服, 需要食藥所以影響到荷爾蒙,都鼓勵你同女朋友傾下,同時間都可以留意下佢近期嘅狀況,亦都可以同女朋友做一啲可以放鬆心情嘅活動,例如聽音樂或者出郊外行下等等, 都係有機會幫助到女朋友月經快啲到嚟㗎~