我真係好驚，想問下大家。
我不嬲有用app記開幾時嚟m,平時都好準時，
最多遲一日,但今次就遲咗4日都未嚟。
25/12 無套外射
29/12 無套外射
4/1 無套外射
8/1 無套外射
今次嚟m已經遲咗4日，今次經前綜合症好似無乜，個胸好似無點脹痛。如果比阿爸阿媽知道咗實死得，真係好驚。打算聽日開始飲薏米水試下谷m，希望大家可以幫手分析/解救下我
25/12 無套外射
29/12 無套外射
4/1 無套外射
8/1 無套外射
今次嚟m已經遲咗4日，今次經前綜合症好似無乜，個胸好似無點脹痛。如果比阿爸阿媽知道咗實死得，真係好驚。打算聽日開始飲薏米水試下谷m，希望大家可以幫手分析/解救下我
幅圖用紅色框住嗰度係上次嚟m嘅日子
驚嘅話最好之後帶返套同埋去驗下，不過我今個月因為好多因素嘅影響，都遲咗成9日
好
Hello~ 首先體外射精並唔係一個有效嘅避孕方法，因為陰莖喺性興奮時通常會自動分泌透明而黏黏地嘅液體，叫做尿道球腺液，當中都含有少量精子嘅，所以都會有懷孕嘅機會。
咁因為宜家距離你前三次嘅性行為已經過左服用緊急避孕藥嘅時限 (性行為後72/120小時內)，所以建議進行驗孕去了解返有無懷孕。而8/1嗰次性行為距離宜家依然係喺120小時內，所以建議你盡快去家計會/私家診所經醫生處方緊急避孕藥。不過要留意唔係每間診所都有提供服食時間為性行為後120小時內嗰款緊急避孕藥，有機會只係有72小時內嗰款，所以建議你去之前先打電話查詢下診所有提供邊種緊急避孕藥，有關緊急避孕藥嘅詳細資訊可以參考以下網站: 緊急避孕 - 香港家庭計劃指導會
至於月經遲黎方面，其實月經本身就係可以被不同外在同內在因素影響嘅事，例如病過、食過藥、情緒有起伏、有壓力、生活作息有明顯改變等等，都係可以導致荷爾蒙水平有變動，從而影響到月經周期嘅原因。有時即使冇發生過一啲明顯嘅變化，月經周期都係可以有變動嘅，唔係話每一個人每一個月嘅月經周期都會一模一樣，亦好少係每個月都同一日嚟月經，所以即使月經日子同預期嘅有差距都唔一定等於係懷孕。
另外，我地亦都唔建議自行催經，例如你提到飲薏米水咁，因為一方面暫時未有醫學實證依個方法可以催經，而且亦都唔係每個人嘅體質都適合大量服用，胡亂服用有機會影響健康，所以如果真係好擔心嘅話建議去睇醫生，讓醫生判斷有無需要催經同埋處方催經嘅藥物。
最後，如果現時未有準備懷孕嘅話，建議每次性行為都使用返安全措施，例如安全套、口服避孕藥、避孕針等，咁就唔洗之後咁擔心啦
點算好啊 上個禮拜六買咗兩支驗孕棒
都顯示無懷孕 但今日已經推遲第十日 點算好
你係咪性行為後嘅11日先驗？如果係嘅話信驗孕棒個結果啦～同埋可能係你身體唔夠血啫，遲啲到好正常
我最尾嗰次事後5日驗🥲我係咪要驗多次
不過我覺得4/1 同8/1 應該安全嘅，果時應該過左排卵期，咁所以29/12起計11日嘅話已經有效，我覺得係無事嘅，你冷靜啲先，相信驗孕個結果啦
我見其他討論區有啲人話咩食炸糊
我真係好驚救命
希望真係好似你咁講
Hello
見你喺其他post問咗類似嘅問題，我哋已經答咗，你可以睇返：買咗兩支驗孕棒 驗咗都係無懷孕 但仲未嚟m
有其他問題歡迎隨時問我哋呀！ 
提返你，「無套外射」或者「安全期」並唔能夠作為安全可靠嘅避孕方法，而我哋之前已經解釋咗原因俾你知。
每次發生性行為嘅時候，記得全程正確咁使用安全套，咁就可以更加安心啊！關於安全套嘅正確使用方法，可以參考：Login • Instagram
或者你都可以考慮使用其他避孕措施，例如荷爾蒙避孕法，包括避孕針同避孕藥。避孕針要由醫生檢查女朋友身體狀況之後覺得適宜使用先注射。而避孕藥雖然相對容易買到，但我哋都建議第一次服用之前去睇下醫生，諮詢下意見，睇下你嘅身體係咪適合、適合邊一款避孕藥。如果有需要嘅話，可以去家計會診所／母嬰健康院／部分私家診所預約見醫生。 
同埋想你知道，避孕針同避孕藥並唔能夠好似安全套咁，有減低性病傳播同其他感染（例如尿道炎、念珠菌感染、龜頭炎、陰道炎等）嘅風險。你都可以考慮使用荷爾蒙避孕法嘅同時配合埋安全套一齊使用。 
好呀唔該曬你地