有食藥但擔心有咗

Hello 有啲擔心係咪係有咗 想上嚟問下:pray:
食優悦24+4避孕藥食咗半年 平時都冇用套 啲經期都穩定 未食藥之前都穩定每個月月尾嚟 開始食藥就每次都係食第三粒白色藥夜晚就會嚟
上個月因為做嘢太忙有時會漏食咗再喺第二朝補返 都試過幾次 但冇額外避孕措施
今個月本身應該4號嚟m 但到依家都仲未嚟 但依家已經食緊新一排藥 擔心緊會唔會係因為漏食藥而有咗 加上最近身體又有啲唔舒服 子宮痛 頭暈頭痛 個人又成日好攰咁 瞓極都唔夠 情緒起伏又好大 但驗咗幾次都係一條線 係唔係我壓力大所以先未嚟m?有bb嘅機會係咪好低?定係我太早驗所以先驗唔到?
Thank you​:sob:

Helloo

口服避孕丸有分兩隻- 單一&混合荷爾蒙- 一般婦女多數用混合荷爾蒙避孕丸,單一荷爾蒙避孕丸則比較適合餵哺母乳嘅婦女使用。而你食嗰隻係屬於混合荷爾蒙避孕藥~如果漏食嘅話應該係記得嘅時候即刻補食返一粒(根據你所講嘅牌子應該要喺24個鐘之內食),否則藥效會降低。不過每隻牌子都唔同,因此要根據說明書睇返相應嘅時效。另外想問下補食嘅時候,有冇照舊食返當日要食嘅份量?如果冇嘅話都記得要食返呀,如果唔係會持續出現漏食嘅情況。建議平時都可以用Apps提醒自己食藥:+1:t6:。 若果漏服兩粒或以上,就應該要向醫謢人員查詢補藥方法啦~ 此外如果出現漏食,都建議之後嘅兩星期內用返安全套增加避孕率。

與此同時月經本身都受唔同因素影響呀,例如最近呢個月有冇食過藥、飲食均唔均衡、生活定唔定時、情緒有冇好大起伏,或者正如你所講壓力都會令黎月經週期變長/變短,甚至影響埋經血量同顏色~

另外想問吓對上一次性交嘅時候係幾時?因為喺性行為11日後驗孕其實已經有準確結果啦 ~ 一般受精卵著床需要6-9日,所以性行為最快7日後驗已經可以有初步結果~而性行為11日後驗孕,已經可以話係準確&可靠。呢度補充多少少先,驗孕主要係檢驗尿液入面嘅hCG(卵子受精着床後身體會產生嘅荷爾蒙)水平。而坊間嘅驗孕棒準確度都好高,只要跟返驗孕棒相應嘅指示操作,喺有效時間內閱讀結果- 通常喺5至10分鐘內(以說明書所述嘅時間為準)- 基本上都唔會有大問題:+1:t6: 。而見你都有提及驗左幾次,只要係喺以上提及嘅時間驗,基本上都冇問題嘅,可以放心相信個結果:raised_hands:t6:

最後,事前避孕藥並非適合每個人,況且每隻牌子劑量不一,未必食緊嗰隻係最適合自己。如果想了解多啲嘅話都可以諮詢返醫生意見呀,睇下依家自己食緊嗰隻係咪真係啱自己(另外喺家計會買藥都會平一半:crazy_face: