大唔大機會有bb?

上星期五同bf做第一次
係完m後幾日
全程都有戴套

因為中途做到好痛
所以就放棄
最後幫佢用口

想問有套無射到入去,大唔大機會有bb?
一直都好擔心
如果想用驗孕棒,最快可以幾時驗?

Hello

欣賞你覺得痛嘅時候有選擇停止呀:) 如果想嘅話都可以同伴侶溝通表達下,可能係唔夠潤滑/身體唔太適應/或者對方太大力都話唔定。而呢個時候就可能需要用多少少潤滑劑輔助/用手指慢慢適應返/或者請伴侶調節一下啦~

另外如果避孕套冇穿、冇過期,並且使用時緊貼陰莖嘅話,呢度都唔使太擔心呀。如果真係唔放心嘅話亦可以喺性行為11日後驗孕 。一般受精卵著床需要6-9日,所以性行為最快7日後驗已經可以有初步結果啦~而性行為11日後驗孕,已經可以話係準確&可靠。呢度補充多少少先,驗孕主要係檢驗尿液入面嘅hCG(卵子受精着床後身體會產生嘅荷爾蒙)水平。而坊間嘅驗孕棒準確度都好高,只要跟返驗孕棒相應嘅指示操作,喺有效時間內閱讀結果- 通常喺5至10分鐘內(以說明書所述嘅時間為準)- 基本上都唔會有大問題:+1:t6:

唔該哂你地呀,thank you!!!
今日係做完第7日,剛才驗左係negative
係咪機會都細呀?

冇錯呀 @Bibibubu

因為驗孕主要係檢驗尿液入面嘅hCG(卵子受精着床後身體會產生嘅荷爾蒙)水平,如果性行為後第7日check係一條線陰性,咁基本上卵子係冇受精,懷孕機率係極低。
如果你真係擔心的話,可以喺第十一日或者預計月經嘅日子再驗多次。如果到時候都係陰性的話,咁基本上都可以排除懷孕嘅可能性,唔需要擔心。:relaxed::pray:加上本身你哋性行為嘅風險都係非常之低,見到陰性嘅結果就可以放心啦~